龍之淚
第一回
第二回
第三回
第四回
第五回
第六回
第七回
--1--回想
2002世界盃,中國隊o係外圍賽一比零擊跨阿曼,首次晉身決賽週,o係決賽週佢地憑曲
波o既入球,歷史性地以一比零打敗巴西,可惜中國隊一勝二負o既成績並未足夠打入十六強......
跟住二十年,中國都冇機會再踏上呢個世界舞台......
2021年,中國o係附加賽輸入俾舒利亞帶領o既英格蘭......
「唉...自從二十年前,中國贏左巴西之後,中國足球一直冇行過運。」講野o既人兄正係前深圳平安主力,而家已經退役o既深圳平安領隊李瑋峰。
「點止呀?中國o係亞洲o既地位已經下降,俾人認為係二線球隊。」呢個就係二十年前,一腳射瓜巴西o既深圳平安教練曲波。
「唉......」面對中國足球沒落o既情景,兩人都不禁再一次長嘆,仲諗番起二十年前
,對巴西果一役......
「加油!中國隊!」「巴西隊!要贏呀!」兩邊夾埋五萬幾o既球迷都為愛隊納喊助威。
八十分鐘,李瑋峰搶走左李華度o既腳下球,長推幾十碼交個直線俾曲波,曲波放甩盧斯奧,單對單面對馬高斯,曲波巧妙o甘「趟」個波去馬高斯左手邊。
「嚓!」全場中國球迷歡喜若狂,巴西隊球迷就雅雀無聲,曲波除左佢件二十號球衣,拋左上觀眾席,一個年僅三歲o既小球迷執左。郝海東、范志毅等人相繼攬住曲波。
李瑋峰:「估唔到o甘快就二十年。」
曲波:「嗯。」
李瑋峰:「中國足球o既未來要靠呢班細路o刺!」
李瑋峰睇住佢手上果張深圳平安青年軍名單。
「亞爸!曲波叔叔!」一個臉帶稚氣o既青年走過黎。
李瑋峰:「仔!聽日青年軍開操o刺bor~~你準備好未?」
青年:「準備好o刺!」
曲波:「瑋峰兄,維特仔o甘醒,一定pass嫁wor~~」
李瑋峰:「咪讚壞佢!」
-第二日-
李瑋峰:「今日開始進行挑選,o係未來三日,我將會揀出十一個出色o既,同佢地簽約。先做基本測試,要o係四分鍾內完成千五米。」
眾青年:「o下!?四分鍾o甘少?」
o甘多人之中,得路高、劉勤可以o係四分鍾內完成千五米。
維特仔更加要成八分鍾先搞掂。李瑋峰用擔心o既眼神望住自己個仔。
李瑋峰:「跟住跑一百米,唔過十一秒o既算合格。」
李維特個friend沙維奧雲十秒七完成,o係唯一合格者。
跟住D控球、帶波盤球測試,都冇乜人合格,而李維特更加係最差o既一群。
第一日已經取錄o既球員有路高、劉勤、沙維奧雲同源三。
沙維奧雲:「維特,你表現o甘曳,唔驚落選咩?」
李維特:「使乜驚,我亞爸係領隊wor~~再曳D都入選o拉!」
沙維奧雲:「o甘又係......」跟住沙維奧雲流曬汗叫左聲:「世...世伯。」
李維特急急擰轉面......
「衰仔!!!」李瑋峰講完,一巴打落去......
--2--新天地
上回提要:李維特選拔時態度差勁,於是被其父李瑋峰當眾掌摑......
--當晚--
曲波:「點呀?搵到維特仔未呀?」
李瑋峰有D嬲,又有D擔心:「個衰仔! 唉......」
曲波:「佢身無分文,可以去得邊丫?」
李瑋峰:「o甘又係,唉......」
曲波:「都報左公安咯,不如番屋企等la。」
李瑋峰:「是但la,唉......」
--李宅--
李瑋峰:「個衰仔!粒聲唔出走左去,算點先!?」
曲波:「峰哥,冷靜D la,細路仔一時諗唔通遮。」
李瑋峰一拳打落牆度:「最衰都係我!我唔應該當眾打佢...」
曲波:「唔使責怪自己wor~你又冇錯。」
李家工人:「老爺!老爺!」
李瑋峰:「係咪搵到少爺o刺!?」
李家工人:「唔...唔係,不過我o係少爺間房搵到封信。」
李瑋峰即刻走埋工人度,搶左佢手上封信,並拆開。
曲波:「峰哥,維特仔講D乜呀。」
李瑋峰:「你自己睇下。」
親愛的父親:
爸,當你拆開封信,我已經坐o係去遼寧o既火車上面,我已經諗得好清楚,我唔應該靠關係入選,所以我離開,去一個陌生o既地方,創我自己o既天地,我未成為職業球員前,係唔會番黎嫁。保重!
祝
身體安祥
愛兒維特上
2021年7月30日
曲波:「唔使擔心la,而家起碼知維特o既去向。」
李瑋峰面上雖然仍擺出一副怒容,但其實心裏已經發出一絲滿足o既微笑。
--遼寧車站--
我:「好凍呀!搵間小旅館落腳先。」
好可惜,我搵左個幾鐘,仲搵唔到旅館,仲凍到o係雪地上暈左。
唔知幾耐之後,我被一把好甜o既聲叫醒左。
我:「呢度係邊度?」
跟住我前面果個女仔擰過黎,(嘩!靚到丫)烏黑o既長髮,櫻桃誘人o既小嘴,幼眉之下有一對丹鳳眼,最靚就係佢面上o既酒凹。
女仔:「呢度係我屋企,頭先我見你暈低左......」佢將成件事o既來龍去脈講
曬出黎。
我同佢都都幾好傾,我仲將我黎遼寧o既目的同原因話俾佢聽。
我:「係wor~傾左o甘耐,都未知你個名,你...可唔可以講俾我知?」
佢好怕醜,擰歪面:「我叫......小雪。o甘你呢?」
我:「你人又靚、聲又甜,連個名都o甘好聽。我?我叫李維特。」
佢當堂成塊面紅曬......
正當我想有進一步o既行動時,兩個彪形大漢破門而入,嚇左我一跳......(P.S.壞我好事 )
--3--舊恨
上回提要:李維特隻身去到遼寧,認識左當地少女小雪,越傾越投契時,兩名大漢破門而入......
大隻D果個二話不說,扯起我,一拳打埋黎,我亦不甘示弱,避開左,正當我想還手之際,一隻纖纖細手拉住我右臂,o係另一邊,另一個男子就扯實個大隻佬。
拉住我o既小雪:「你兩個停手呀!」
我:「對唔住呀,但佢打我,唔通唔還手咩?」
大隻佬:「哼!有個三唔識七o既人o係自己屋企出現,仲咸咸濕濕望住小雪(我:哎,俾佢講中左),唔扯火就奇o刺! 」
我:「你屋企?你係小雪o既......」
大隻佬:「我係小雪o既阿哥,名叫雲遜!小雪,呢條友究竟係乜料!」
小雪:「佢叫李維特。」
我:「小雪呀,o甘呢位又係邊個呀?」
小雪:「佢叫鬼葬,o係阿哥o既死黨。」
雲遜:「小雪,我都未聽過你有個friend叫李維特o既?」
小雪:「o岩o岩識o既......」然後小雪將我o既事講灑俾佢地知。
雲遜知道我係足球員後,並即刻對我改觀......
雲遜:「有冇興趣加入遼寧青年隊?」
我:「有呀!你有門路?」
雲遜:「我係遼寧青年隊隊長,我可以推蔫你。」
我:「太好o刺!!!」
雲遜:「聽日帶你見領隊。」
我細細聲問:「點解鬼葬兄唔出聲o既?」
雲遜細細聲答:「佢唔鐘意同鐘意小雪o既人講野嫁。」
---翌日---
我:「雲遜兄,遼寧青年隊o既選拔係咪好嚴格嫁?」
雲遜:「選拔?唔使選拔嫁wor~~」
我:「o下?」
雲遜:「我地隊波得果13人,人腳都未夠,使乜選拔丫?D好球員都去灑大連、北京選拔la。」
行下行下,已經到左遼寧撫順o既練習場。
雲遜:「領隊!」
遼寧撫順o既領隊竟然係「中國碧咸」李明。
我:「咦?明叔叔!」
李明:「你...你係...維特仔。」
雲遜:「你地識ga?」
李明:「雲遜,佢係前國腳李瑋峰個仔呀!」
雲遜:「o下?維特,原來你來頭o甘大ga?尋日真o係失敬。」
我:「明叔叔!我要靠自己,唔要背負亞爸個名黎贏取任何野,請盡量唔好叫我做『李瑋峰個仔』!請叫我『李維特』!」
可惜呢一番說話,俾佢---一個唔應該聽呢番話o既人聽到,佢係遼寧撫順o既助教---「玉面殺手」張玉寧。
---20年前,賀歲盃---
中國憑郝海東、宿茂臻、曲波o既入球,以3-1領前緊港聯,比賽時間得番10分
鐘......
後備上陣o既張玉寧為左o係2002世界盃上陣,用盡辦法求入波。
李瑋峰後場搶得皮球,個人推上前場,張玉寧o係佢右邊猛o甘叫:「交波呀!」
李瑋峰:「你身邊有兩個人Mark住你wor~呢個場又差,好易受傷嫁bor~」
張玉寧:「快D傳la,我唔使你擔心呀!」
李瑋峰無奈,俾個波張玉寧......
張玉寧未控定,謝雷已經殺出......
「哎!」張玉寧被謝雷踩中,痛得流出淚來。
張玉寧因此事受傷半年,緣盡世界盃。
張玉寧呢20年,都覺得係李瑋峰呢球五五波,毀左佢前途......
--4--未完的賽事
上回提要:李維特正式加盟遼寧青年隊,而李瑋峰與張玉寧o既恩怨亦會影響李維特o既前途......
李明:「佢叫李維特,打左翼,係我地o既新成員。」李明介紹我俾D隊友認識。「雲遜,你帶維特仔去參觀下球會成員先,午練時番黎呢度集合,而家解散。」
雲遜:「OK!」
雲遜同鬼葬帶住我去四圍參觀,突然有三個人企o係我地前面......
貌似碧咸果個握住我隻手:「你好!我叫阿熙,打後衛,我係你阿爸fans黎嫁,可唔可以...」
阿熙未講完,另一個肥肥地o既:「我係阿豬,打門將。」
仲有果個就話:「我叫阿柱,係球隊射手。」
各自介紹完之後,我地三個就繼續參觀。
我:「又話青年隊有14人o既,頭先集會時得13個人o既?」
雲遜嬲嬲地話:「哦!缺席果個叫張天樂(編按:虛構人物),係助教張玉寧個仔,侍住有老豆睇住,就唔放人o係眼內。」
我:「張天樂。」我一聽呢個名,就有D不祥預感。
---午練時間---
李明:「為左備戰中青協盃,三日後山東隊將會北上同我地友賽。」
我:「中青協盃係乜野黎嫁?」
雲遜:「今年係第五屆中青協盃,頭三屆都由北京贏得,上屆決賽北京0-1輸俾大連未能四奪冠軍。中青協盃每年由中國足協邀請12支青年隊參加,分成4組,打單循環,首名出線打淘汰賽。」
我:「遼寧過去o既成績係...」
雲遜吞吞吐吐:「四屆八戰皆北,兼未入過波。」
我:「明白明白。」
李明:「好o刺,宜家開始分隊賽。」
呢個時候,一個廋廋地,面白白o既人先走埋黎練習。
雲遜:「呢個就係張天樂。」
李明:「A隊隊員有阿熙、阿豬、阿柱、鬼葬、雲遜、維特仔同張天樂。」
---比賽開始---
1min:阿柱回番後,鬼葬傳俾我,我加速推一段,「吸」番大位,用右腳出波,大力得濟出左界。
阿柱:「唔緊要,「吸」得好。」
張天樂:「去死la你,白痴。」
6min:鬼葬扭過三個,禁區頂預備起腳,旁邊o既張天樂殺出抽射,高出。
11min:雲遜長傳,我頂個波去禁區頂,鬼葬再次起腳,兩個敵衛即刻攔佢,鬼葬
「Tick」過高波俾禁區內冇人Mark o既阿柱,勁射死角,張天樂貪功加一頭反而頂高。
14min:阿柱同鬼葬打one-two,阿柱單刀,右腳彈個波去遠柱,阿熙後上撞入。
19min:鬼葬開出角球,阿熙跳頂入網,但張天樂拉跌對手在先,詐胡。
23min:鬼葬直線交俾我,我順勢勁射,斜出。
26min:阿柱殺入禁區被推跌,十二碼,張天樂爭住射,入左,2-0。
阿柱:「明明鬼葬係劊子手,你爭乜o者?」
雲遜:「咪係。」
張天樂:「吹咩?」
阿柱同雲遜即時扯火
好彩俾鬼葬、阿熙拉住先冇事。
張天樂:「咩呀?你地o甘唔滿意,我咪唔踢law。」
佢拋低件波衫,慢慢離開球場。
結果,呢場未完結o既賽事被迫結束......
--5--罰球大戰
上回提要:張天樂不專業的表現,令李維特等人大感無奈......
對山東隊o既日子已經到左......
雲遜同我講:「第一次落場,有冇D緊張呀?」
阿豬:「車~友誼賽之麻,使乜驚唧?」
阿熙:「唔使怕,做好自己本份就得嫁o刺。」
我:「OK!」
李明:「今日對手山東,o係上屆青協盃第四名,四場只係失左一球,佢地o既正選龍門
阿輝實在功不可抹,而且...」
阿柱:「而且乜呀領隊?」
李明望住鬼葬:「而且佢未試過俾人o係十二碼外o既死球入過波。」
眾人:「o甘勁?」
李明:「今日o既目標係o係佢手上取得兩分。」
阿柱:「呢個任務交俾我la!」
李明:「o甘出場la。」
眾人:「好!」
遼寧正選陣容:
---------------阿豬---------------
蘇廣(*)---雲遜(c)---阿熙---蘇榮(*)
霍藝(*)----鬼葬---張文浩----李維特
-----------阿柱----張天樂---------
出到球場,見到山東隊球員o係度熱緊身,佢地o既龍門將隊友一個接一個o既試射撲出
。
我問雲遜:「嘩!幾勁wor~佢就係阿輝?」
雲遜:「唔係,拿,場邊帶緊手套果個先係呀!」
我望過去,見到佢並唔太高,一米八都冇,不過對手臂夠粗,而且都幾大隻。佢望過黎,
見我望住佢,即刻露出一個自信o既笑容。
正留意阿輝o既時候,場邊忽然傳出一聲。
「維特哥哥,你一定會贏嫁!」講野o既係雲遜個妹---小雪。
有小雪打氣,我當堂心都甜晒。
我:「我一定努力嫁!」
「阿柱,入多D波呀!」小雪身邊個靚女大喊。
阿柱:「阿魚,睇實我表演la!」
「咇!」比賽正式開始。
2分鐘,阿柱扭過對手後衛...
阿魚:「阿柱,入佢la!」
禁區頂試射,阿輝一抱入懷。
5分鐘,鬼葬靚直線俾張天樂,佢右腳拉弓一射,踢空氣...
7分鐘,張天樂大腳長傳去左邊,我跑到盡都追唔到。
張天樂:「你廢嫁!o甘都追唔到。」
我:「......」
13分鐘,對手剷跌阿柱,我地離門三十碼左右有個自由球。
雲遜同鬼葬企o係個波側邊...
雲遜:「呢球射程o甘遠,由我硬射,好唔好?」
鬼葬點左下頭,示意呢球由雲遜操刀。
雲遜將全身力注入右腳,勁「Bang」個波,直飛死角...
我:「入梗o刺!」
阿柱:「1比0o刺!」
小雪:「阿哥好波!」
正當我地以為呢球必入之際,阿輝從容不迫,移橫兩步,再飛身以左拳打出界,佢面上
仍然保持果副自信o既笑容。我睇到呆左,因為呢球波就算係江津叔叔都未必救到。
14分鐘,鬼葬開出角球,個波竟然...直接彎向門前。
阿輝:「冇o甘易!」
跟住行後少少,右手「托」個波出底線。
18分鐘,我見阿輝身材唔高,左路斬個高波俾阿柱。阿柱頭搥一批,阿輝再飛身單手撲
出。
25分鐘,另一次角球,鬼葬斬俾全場最高o既阿熙,阿輝憑驚人彈跳力,快阿熙一步,拍
走個波,再次化險為夷。
30分鐘,鬼葬右路斬中,阿柱衝向皮球落點,阿輝正等待阿柱呢次攻門...
阿輝:「射la!」
點知阿柱漏過,個波飛黎我呢度...
阿柱:「射呀!阿特!」
小雪:「維特哥哥,射入佢la!」
阿輝:「弊!」
我即刻左腳勁射,阿輝掂唔到...不過高出。
阿柱:「可惜呀。」
我:「Sorry呀!」
上半場完。
五分鐘o既休息時間好快過去,下半場,我地原陣應戰。
33分鐘,阿熙大腳長傳,阿柱頭搥二傳俾鬼葬,鬼葬廿幾碼放冷箭,阿輝心口控定,再用
腳踩實個波。
39分鐘,我左路俾個波去中間,雲遜上到黎十五碼撞射,阿輝雙拳打高,再跳起接住。
45分鐘,阿柱又被侵犯,又一次罰球,今次離門唔夠廿五碼。
再一次係雲遜同鬼葬...
鬼葬:「我唔信我o既罰球射唔穿佢o既十指關。」
雲遜見鬼葬眼神堅定,自己行開左,俾鬼葬處理呢個罰球。
阿輝面對鬼葬呢個死球專家,仍然露出佢o既招牌笑容。
鬼葬右腳射波「Chalk」過人牆,皮球向近柱死角飛去...
阿輝縱身一跳,撲到盡指尖叉橫此射門。
鬼葬:「可惡!」
49分鐘,我地o係更近o既位置搏得一個自由球。操刀o既依然係鬼葬。
鬼葬恰埋雙眼集中精神,阿輝竟然向右移,移向近柱,有人牆擋住o既大位。
鬼葬睜番開眼,右腳勁射...一個地波,穿越跳起跳起左o既人牆...
人牆:「弊!俾佢陰左!」
李明:「仲唔中計?」
阿輝依然笑容,訓橫單搥將皮球打出,隊友快步解圍。
53分鐘,我離門廿幾碼笠射,阿輝跳高「托」個波出底線。
60分鐘,阿柱同我打個one-two,阿柱o係十八碼被掃跌,罰球...
鬼葬擺定個波,預備處理呢個最後機會......
龍之淚(6)---天才左翼
上回提要:山東對遼寧戰況激烈,戰至末段仍未開記錄...
「咇!」球証吹雞,示意可以開出罰球。
鬼葬衝前...
「近柱。」阿輝心諗,並慢慢向右移。
「靠你o刺!」鬼葬亦諗。
佢右腳挑高個波,過左人牆,慢慢步入禁區o既我竟然冇人看管。
阿輝:「弊!」佢衝出黎,諗住擒個波。
我兩個都就快掂到個波...
我快一步「tick」到,個波笠過阿輝,拋物線笠去門前,對方後方剷...唔到...
入球!
阿柱:「好波呀!阿特!」
阿熙:「叻仔!」
張天樂:「車~符碌!」
鬼葬同我擊掌祝賀:「好野!」
我:「全靠你ja~」
但係小雪o既說話令我地清醒過來...
小雪:「旁證!呢球邊有越位呀?」
我地望向球證,佢右手指住我起腳果個位。o甘即位表示---越位,入球作廢!
阿輝大腳開出罰球...
「咇!咇!咇~」比賽終於完結,雙方打成0-0平手。
阿輝走過黎:「o岩o岩果球射得好呀。」
我:「過獎。」
跟住佢同鬼葬講:「你D罰球處理得唔錯。」
鬼葬:「你好厲害,不過我下次一定會射入你嫁。」
阿輝:「我地青協大賽見la。」
鬼葬:「你唔可以俾人以自由球射入呀!」
阿輝:「好!我地決賽再比試la。」
阿輝走開左之後,我同鬼葬講:「你要加油呀!」
鬼葬:「阿特,我以前對你有D誤會,但睇過你o既演出後,我好配服你,從今開始,你就係我o既朋友。」
我:「好!好朋友。」
過黎祝賀o既雲遜同小雪,聽到呢番話,都覺得好高興。
-幾日後-
李明:「下個禮拜就係青協盃揭幕戰,由我地對住武漢。今屆我地係東道主,大老闆目標係打入四強。」
我:「我地果組有D乜野人?」
李明:「有三個人係必需注意o既,武漢清道夫阿經同埋指揮官阿龍;仲有上海隊o既左閘湯美,呢三個人一定要防。」
鬼葬:「o甘山東隊係邊組呀?」
李明:「山東同大熱門大連同組。」
雲遜:「三屆盟主北京呢?」
李明:「佢地主要對手係南京隊。」
我:「明叔叔...o甘深圳隊呢?」
李明:「同組有廣東同雲南,出線o既話,我地o係四強會碰頭。」
我:「四強...」
「咯!咯!」敲門聲,一打開門,我地見到小雪。
小雪:「李教練,我想搵維特哥哥,可唔可以...」
李明:「好la,個會都開得七七八八,維特仔你走先la。」
阿柱:「教練好偏心呀!」
鬼葬:「阿特,快D去拍拖la。」
雲遜:「睇住我阿妹呀!」
我:「你班友仔...」
(註:張玉寧父子「例牌地」缺席會議。)
我:「小雪,搵我去街呀?」
小雪:「唔...都算o既,我有兩張甲A聯賽,遼寧對雲南o既波飛,去唔去?」
我:「你叫到,點會唔去?」
小雪:「o甘兩點鐘o係球場入口等la。」
-兩點-
小雪:「o甘遲嫁!」
我:「冇呀!o岩o岩好兩點嫁!」
小雪:「是但la,入場o刺!」
正式開波,雲南十一號(左翼)一開波就係三十幾碼遠射,中楣彈出,跟住遼寧狂攻,但都未可以造成入球,直到三十五分鐘...
雲南後衛大腳長傳,十一號o係禁區頂用心口控定呢個接近五十碼o既長傳,球不著地左腳窩利...
下半場補時階段,十一號扭過三名敵衛單刀,龍門撲出黎,十一號即刻轉身背向龍門,起左腳倒掛...
我:「小雪,頭先射入兩球果個係乜水呀?」
小雪:「佢叫李華度,今年十七歲,但已經係雲南A隊正選,上季o係十二場甲A比賽入左九球,係國內o既超新星。」
我:「李華度...」
小雪:「今屆青協盃佢好似有份打。」
我:「......」
揭幕戰終於到o刺~
小雪:「維特哥哥,加油呀!」
阿魚:「阿柱,入多D波呀!」
突然...
「真係你呀?」一個光頭大漢走過黎,對雲遜講。
雲遜:「係你?」
光頭佬:「又黎獻醜呀,上年三隻光蛋唔夠食?」
雲遜:「哼!上年o既仇我一定會報。」
光頭佬:「呢句話,你入到決賽先講la,哈哈哈!」
我問鬼葬:「呢條友係邊個,o甘串o既?」
鬼葬:「佢係...」
-待續-
龍之淚(7)---揭幕戰
鬼葬:「佢係大連隊中堅,上屆青協盃最佳後衛---史譚。」
時間返到上年青協盃分組賽,下半場25分鐘...
旁述甲:「今場雙方ge隊長都o係中堅,但係實力上似乎有好大ge分別wor!」
乙:「而家大連以2-0領先,兩球都o係由隊長史譚後上頂入嫁。」
丙:「o係史譚面前,雲遜就好似初學者一樣。」
又一次角球,史譚又一次接應隊友傳中,壓贏雲遜衝頂...
旁述甲:「3-0!史譚連中三元,遼寧大勢已去。」
乙:「雙方實力相差大遠o刺。」
丙:「雲遜好失望咁跪左o係地下。」
史譚走到雲遜面前:「呢D場合唔適合你,咪再黎獻醜o刺。」
雲遜垂低頭,揮拳打向地下,佢腦中感覺到ge只有無限ge屈辱。
-前事完-
旁述甲:「同時間會進行兩場賽事,1號場係遼寧對武漢,2號場係大連對山東。」
乙:「武漢同大連ge贏面無疑係比較高。」
丙:「大連有隊長史譚、中堅夏健倫、箭頭連尼士文押陣,可以話係冇得輸。」
甲:「而遼寧往績太差,友賽山東亦只能打成0-0平手。」
乙:「好o刺!遼寧對武漢,開始!」
遼寧陣容:
-----------------阿豬--------------
蘇廣(*)---雲遜(C)----阿熙---蘇榮(*)
霍藝(*)---鬼葬---張文浩(*)---李維特
----------阿柱----------張天樂-----
李明:「對手有兩名主力,一個係清道夫阿經,佢防守力唔錯,更加擅長裝越位陷阱,另
一個係中場指揮官阿龍,佢主理死球同鬼葬有得比!呢兩個人,一定要防!」
雲遜、阿熙:「明白!」
1分鐘,o岩o岩開波,阿熙後場交比前線空晒ge阿柱...
我:「阿柱,單刀o刺!」
雲遜:「咦?」
旁證早已經高舉旗幟,表示阿柱...越位。
4分鐘,阿龍右路推進,睇準時機出腳笠射,但比阿豬跳起接住。
9分鐘,阿龍同隊友撞牆,佢o係禁區頂一「趟」...
阿熙:「阿豬,睇住ar!」
阿豬:「冇問題。」佢雙拳打出。
16分鐘,阿柱禁區頂勁射,對手龍門擋出不遠...
我衝埋去補射...入網...
但旁證再一次舉旗,再一次越位,入球不算。
17分鐘,阿經:「阿龍!靠你o刺!」佢即刻將罰球開出...
阿龍上前接應,並控定...
雲遜同阿熙講:「由我去Mark佢。」
阿龍背對球門,左腳推自己右手邊,雲遜死跟,點知阿龍突然轉身反推左邊,笨拙ge雲遜
轉唔切身,唯有以超技術攔跌阿龍...
「罰球。」球證。
阿龍左腳「趟」過人牆,個波向近柱飛去...
阿豬:「等我黎la!」阿龍嘴角泛起,暗自偷笑...
阿豬:「咦?個波下墜ge?」佢慢左一步落地,皮球彈起後已越過阿豬ge左手...
阿熙一直睇準形勢,冷靜咁o係個波入網前大腳解圍...
阿豬:「好彩!」
另一邊廂,大連對山東...
得分牌上,大連2-0山東,入球:連尼士文 1' 20'
唔係ma?有阿輝在陣ge山東竟然o係半場已經輸緊兩球?
甲:「冇計!上屆神射手連尼士文把握力實在太強。」
乙:「上屆阿輝只失左一球,而入佢波ge就係連尼。」
丙:「一球個人突破加一球窩利射門,只係20分鐘,已經係2-0。」
睇返遼寧隊...
阿柱:「呢個矮仔成日裝越位,好!等我試下用技術同速度過佢。」
阿柱面對阿經,右腳想「吸」,阿經已經快一步,出腳搶走個波...
佢推上中場,放個直線比阿龍,阿龍擺脫左雲遜,單刀笠射,阿豬出迎撲空,阿熙衝去護
空門...
阿熙頂唔到:「死火!」
「Ping!」中楣頂彈出,龍門球。
25分鐘,我左路傳中,阿柱力壓阿經一頂......柱邊出界。
28分鐘,阿龍通雲遜「坑渠」,右腳作勢起腳...
雲遜:「冇咁易!」跟住追返阿龍,剷落去...
阿龍一「扣」,「扣」返個波去自己左腳位,雲遜被徹底擊敗...
阿龍射返近柱,阿豬伸腳擋去底線。
上半場亦好快咁結束左...
我同鬼葬即刻去左2號場,螢幕上重播緊上半場精華...
1分鐘,連尼士文扭過三個敵衛,再扭過埋阿輝先開記錄...
20分鐘,連尼士文接應夏健倫長傳,心口控定,禁區頂窩利抽射,2-0...
鬼葬:「點會咁嫁?」
我:「......連尼...士文...」
我地望見阿輝o係球門後便,好沮喪咁低頭靜思...
雲遜:「阿柱,我地得『一個』前鋒,入波靠你嫁o刺!」
阿柱:「你ar,淨係識話人,睇實阿龍la。」
雲遜:「下半場我一定會搞掂佢嫁。」
阿柱:「好,我地一齊努力la!」
我同鬼葬行返去遼寧後備席時,竟然迎面見到佢......
-待續-
|
