利物浦之新時代 第一回 (獅城之旅)
利物浦在新加坡國際球場對住新加坡聯隊，紅軍輕易地以奧雲和希斯基的入球，以2 比 0之比數贏取嘉士伯盃。
在新加坡國際球場的更衣室內
候利亞 和 我 (菲臘湯臣) 走進更衣室…
「辛苦哂！大家今日都踢得不錯！」
「唔贏你就驚la！」列納說
「領隊，今晚諗住去邊度”浦” 啊? 」科拿問
「我有d急事要返英國先……」
「乜野急事咁緊要ar…. ? 」奧雲問
「…. 我…我... 要趕返去倫敦參加我細佬的婚禮.... 」
「哦…之前無聽你提過?? 」
「…..一時唔記得俾你地聽，我返o左去，就會由副領隊帶領你地去泰國踢可口可樂盃。對泰國無問題吧！」
「當然無問題…咁幾時飛呀? 」科拿問
「今晚就飛la…你地玩得開心d啦，不過唔好玩得太顛喎！拎個盃返去當手信。」
「係！領隊」
成班球員在新加坡玩得好顛，成三四點先陸陸續續返酒店…..
朝早七點鐘，教練李森美打電話去我間房…
「副領隊！史米沙同貝加球員仲未返酒店….. 」
「有冇搞錯啊！史米沙同貝加到宜加仲未返? 我哋今日下晝就要飛去泰國喎！」
「都唔……知……唔係出….左..d..乜….野..事…」
「你等一陣，有電話入…」
「喂? 」
「喂！係咪副領隊啊? 我同史米沙宜加在警局啊…. 」
「在警局???!!! 你地犯o左乜野事，搞到比差人拉咁大件事…. 」
「我地唔小心地隨街拋垃圾，點知比個差佬見到，之後同佢地嘈左幾句…. 」
「你地係邊間差館? 我派人接你地返去…」
「我地係獅子對面o個間，但係唔知d差佬俾唔俾我地走喎.. 」
「我打俾新加坡足總，叫佢地疏通下la…」
「Sorry啊..副領隊…」
「算la..有乜事返到酒店先講。」
「係！副領隊… Bye..」
我立即致電給新加坡足總，請佢地疏通一下，唔駛罰史米沙同貝加掃街，亦吩咐森美派車接佢哋返嚟…
史米沙同貝加返回酒店，我叫佢地梳洗一下，準備下晝坐飛機去泰國…
利物浦之新時代 第二回 (紅軍同志)
我帶領眾紅軍踏出機場接機處，成千上萬的閃光燈唔停咁閃….
「泰國d球迷真係熱情…. 」謝拉特說
「d女都幾〝索〞wor…」貝加笑住講
「唔好睇得咁入神，除時係人妖，到時俾人話我地搞Gay就死la！」奧雲說
「哈哈…泰國的人妖多過靚女！」史米沙說
記者開始訪問我地，但佢地問得有d怪…..
「聽講紅軍入面有人搞gay喎.. 你有咩意見? 」記者問
「你邊度聽返黎ga?d人亂講都信? 」我答
記者擺篇野出黎，跟住講…「白紙黑字仲有埋圖，咁你又點解釋? 」
張圖影住貝加同史米沙在酒吧互擁…
我睇完之後拎住篇野就帶d球員急急腳咁走，並指示佢地唔好答記者的問題….
記者又問「候爺係咪因為呢件事而返英國? 」
「No Comment！」
返左酒店後，我叫貝加同史米入我房…..
「副領隊，唔知有咩野事呢? 」
「你地叫我Philip就得la…你地睇o下呢篇野！」
「o下? 佢地點可以咁作野屈我地ga！」貝加好激氣咁講
「我要告佢地！咁作法仲得了?! 」史米沙仲激氣
「咁張相點解釋? 」
「當時史米沙飲醉左，我扶住佢o者…. 」貝加好堅決地講
「我接受你地的解釋，所有野返英國先再打算la…你地可以出去。」
在酒店房入面
「嘩~~有猛料喎，你地睇o下acsdesfxx.com? 」奧雲道
「有乜猛料啊? 最多又話我地踢得好…. 」謝拉特講
「唔係ar fa!!?? 貝加同史米沙係Gay ga!!!??? 」希斯基好驚訝咁講
「可能係流料啫….d傳媒最鐘意作野la…」列納講
貝加同史米沙入黎
奧雲急不及待地走到貝加面前….
「你地係咪gay ga? 」
「係就認左佢la!! 無人會歧視你ga喎…」
待續…
利物浦之新時代 第三回 (小騷動)
上回講到……
貝加同史米沙入黎
奧雲仔急不及待地走到貝加面前….
「你地係咪gay ga? 」
「係就認左佢la!! 無人會歧視你ga喎…」謝拉特接住講
在謝拉特剛剛講完之際，貝加一拳打在謝拉特塊面
謝拉特應聲倒地，地上還有他的鼻血….
「連你地都唔信我?! 枉我地係隊友…」貝加正怒視著謝拉特
「唔信你都唔駛出手打人ga，除非你自己心虛…」奧雲向貝加大罵
貝加將揮拳目標轉到奧雲仔身上，當佢揮拳的一刻，列納已捉住佢隻手
「夠啦! 乜都發泄完la…. 仲未夠啊…」
貝加推開列納，然後一腳踢落奧雲仔隻腳…
我同眾球員聽到嘈吵聲之後，走去睇o下發生乜野事…
一開門就見到謝拉特、奧雲同列納倒在地下…此時貝加仲想打多佢地幾拳…
「停手啊! 」我向貝加講
希斯基已抱實貝加，同勸佢停手…
「快d叫軍醫…. 睇o下佢地有冇事.. 」
貝加，去我間房等我，有野要同你講。
「其他球員去球場操練先，我遲d就黎。」
「做乜咁衝動ar?? 」
「佢地唔信我，話我係gay的.. 」
「咁你係唔係? 」
「當然唔係la.. 我同史米沙都已經結左婚，連女都生埋la，仲話我地搞gay。」
「咁就得la, 駛乜理其他人的閒言閒語呢。」
「我頭先又係衝動左的…sorry ar ,Philip。」
「要講sorry的就同謝拉特、奧雲同列納佢地講。」
「…佢地會唔會原諒我ga? 頭先我咁重手…」
「大家係隊友，佢地實會原諒你的，最多我同你一齊去。」
「…咁我地宜加去睇o下佢地la」
利物浦之新時代 第四回 (備戰)
「佢地的傷勢點啊，嚴唔嚴重? 」我問禾拿軍醫
「謝拉特的眼角爆左，同埋佢話有d頭暈，而奧雲同列納有一d瘀傷，休息一兩日應該無大礙。」禾拿說
「咁佢地後日適唔適合比賽? 」
「最好唔好出啦，只係友誼賽，唔出佢地都ok的。」
「多謝你的意見。」
跟住我帶貝加入房……
「點啊? 大家的傷勢都無大礙吧！」
「已經好番好多啦，副領隊。」列納說
此時貝加低下頭行入黎….
「對唔住…」貝加低起下氣地道歉
「打完人先講，不如殺左人講句sorry…. 」謝拉特激氣咁講
「算la，佢一時火摭眼…. 你唔講錯野，佢都唔會一拳揮過黎la！」列納道
「我地都有野唔o岩，明知你地都有老婆仔女，都懷擬你地，sorry ar！」奧雲說
「咁你地即係肯原諒我啦…. 」貝加興奮地說
跟住成間房無人出聲…..氣氛好怪……..
「無人出聲即係大家肯原諒你啦。冇事的話我車你地去球場操練。」
到左球場…. 大家都起勁地練緊波。
「森美、斯亞，你地過黎一陣 」
「因為謝拉特佢地要養傷，下一場對泰國要轉o下陣容。」
「奧雲唔出，泰國的球迷可能會不滿…」教練斯亞提醒我
「放奧雲仔在後備，俾佢打十分鐘就ok la」
「你打算用乜野陣型? 」森美問
「我打算試o下陣，用2-3-2-1-2…」
「試o下都好，球員方面…」斯亞說
「試用柏德烈治，佢近排操練時表現唔錯！」森美向我推介
「OK，俾佢打班比個位、班比做後備。」
「前鋒唔駛問都知用科拿同希斯基！」斯亞說
「後備史米沙，前中場用列馬倫，俾老麥休息一o下。」
對泰國之出場陣容
FC科拿
FC希斯基
AMC列馬倫
MC梅菲
MC 基比
DML貝加
DMC夏文
DMR 柏德烈治
DC希比亞
DC巴布
GK艾菲沙特
後備
史米沙
奧雲
班比
希金
比斯根
軒索斯
尼路臣
FC FC
AMC
MC MC
DML DMC DMR
DC DC
GK