藍與黑的天空
2020 年, 在意大利米蘭市一間大屋裡, 有一家人正在看著一部電視. 視上播著的不是什麼特別的節目, 只是一場普通的足球比賽, 但坐在沙發中的一家人, 卻全神灌注地看著那場比賽的直播。
‘前鋒S. 馬素拉之孫保羅. 馬素拉接應中場阿布利亞斯的直線傳送…和龍門單對單喇!! 羅馬有危險喇!!’
‘經驗老到的老門將比利斯索利立即出迎…… 無喇…… 馬素拉扭過門將, 再起腳一射… 入左!!! 二比一!!! 然後球證吹哨完場!!’
‘在另一邊相, 祖雲達斯以一比三敗于帕爾馬身上. 此結果不但令帕爾馬護 級成功, 更令到國米在聯賽表上超前祖雲達斯! 得知這消息後, 全體國米球員和領隊J.辛尼迪擁在一起……國米重獲失落8年的聯賽冠軍了!! 自重冠軍領隊奇連士文離隊後, 國米的第一個冠軍呀!!’
突然之間, 電視熄滅了, 只見坐在沙發最中間的老人面上帶著兩行熱淚.
‘阿爺呀…只不過是普通的足球比賽ja嘛… 唔使流淚呀嘛…’ 坐在他身邊的少年說.
‘乖孫呀… 你有所不知了… 我當年是這球隊的領隊來的, 而現在的領隊是當年的隊長來的. 當國米連續七年無拿過冠軍, 我不知多傷心呀! 現在, Javier終于做到喇…… 想當年……’
跟著, 老人又再沉醉在自己的回憶之中……
預告﹕白天, 天是藍色的; 晚上, 天是黑色的. 那麼藍黑合拼, 是否與天空一樣強大﹖ 不, 還要一個光的來源: 太陽. 到底當年的那個老人是否藍黑兵團的太陽? 而當 年的他又是怎樣的呢﹖﹖ 請留意下一章!!!
經過我與我的孫子的一番話後, 我突然感到一陣溫暖包圍著我, 跟著我就墮進我的回憶之中……
‘基奧撒比……基奧撒比!!’
‘噢……噢……係係, 發生甚麼事??’ 我被身旁的一把聲音叫醒, 腦海中一遍空白.
‘哎……好啦, 清醒未嗎??’ 那聲音問道.
我的頭一轉, 看到的不是誰人, 就是我的助手--- 從德國電視台請回來的副領隊, 德國三劍俠之一的尢根.奇連士文.
‘好啦…..只係尋晚睡眠不足吧……宜家好好多啦.’ 我回答他……只是白日夢的藉口吧.
‘咁就好啦, 宜家主席帶住一班大股東黎睇球場同隊波呀……我地要醒定D啦…’
‘唔係嘛……球員都係剛剛放完假返黎……今日先第一日開操…’ 我嚇了一跳, 要來也不要那麼快呀!
過了一會仍聽不到會答, 只見到尢根目瞪口呆的望著一個方向. 我就順著這個方向一看……又嚇了一跳啦.
只見到一班穿西裝的斯文人從隧道中走去來……帶頭的是國際米蘭主席麥斯武.莫拉堤, 跟著就是副主席基安仙度.費捷迪 和 體育總監辛迪路.馬素拉, 後面還有一班大股東及有傳會成為足球總監的馬高.泰迪利.
‘就講就到.’ 尢根小聲地說.
‘繼續 “操” 啦…..唔好理咁多啦’ 我笑著說……看來尢根聽不出當中的玄机.
這班股東有著李嘉誠的身家, 卻也有著蝸牛般的速度----- 從隧道中走過來足足要5分鐘. 幸好他們這麼慢, 球員才有足夠時間熱身.
一見到我, 一個股東就問 ‘這是誰呀?’
‘自己介紹自己吧.’ 莫拉堤笑著對我說.
‘你好, 我是基奧撒比.巴里斯……’
對, 我就是基奧撒比.巴里斯, 現在的國際米蘭的領隊. 我在國際米蘭足足打滾了22年, 由我1980年18歲時踢正選開始, 到1995年退休後當副領隊. 在當球員時, 我常常被人誤會是AC米蘭的 ‘最強後衛’ 法蘭高.巴里斯. 在當了非球員的職位後, 也只能當阿二. 但現在不同啦, 上季的領隊希陀.古柏因為成績良好, 被聘用為阿根庭國家隊的領隊.莫拉堤看到如此, 又念在我多年的忠心, 終於把我提名為領隊.
我就是這樣成為這支UEFA冠軍的領隊. 我當領隊的第一天就是這樣度過.
操練完後, 球員都走光啦, 只剩下我和尢根在辦公室中, 討論球隊的問題.
‘就借出呢几個球員啦.’ 我們得出的結論.
‘還有……這几個球員會係聽日報到……古柏上季買既……’尢根說.
我一看後, 心中的喜悅實在隱藏不到. ‘好, 我就等佢地黎. 我心中既問題解開啦. 要走既人, 都可以走啦.’
預告: 到底這几個球員是誰?? 有來就必有去, 到底是誰要走呢?? 還有, 球季未開始, 就已遇到挑大戰!!
出場角色:
基奧撒比.巴里斯 (Giuseppe Baresi): 1980年代國米阿哥級球員, 現任國米副領隊
尢根.奇連士文 (Jurgen Klinsmann): 1980-90年代德國星級前鋒, 國米德國三劍俠之一, 1995-98年德國國家隊隊長.
基安仙度.費捷迪 (Giancinto Fachetti): 1960年代國米隊長. 為國米奪得63, 64年的歐冠盃. 曾經是意大利足球先生. 現任國米副主席.
辛迪路.馬素拉 ( Sandro ‘Alessandro’ Mazzola): 1960年代國米主力球員, 為國米奪得63, 64年的歐冠盃, 曾經是意聯神射手.
現時在Serie B球隊當領隊.
馬高.泰迪利 (Marco Tardelli): 1970-80年代祖雲達斯中場, 曾代表意大利出戰世界盃. 30歲轉到國米, 直至退休. 曾是祖雲達斯及國米的領隊,
現工作不明.
麥斯武.莫拉堤 (Massimo Moratti): 米蘭石油大王, 前國米主席安祖路.莫拉堤的孫兒. 現任國米主席, 父親是國米光榮時代 (1960年代)
的主席.
早上7時
不知怎地, 今天我感到興奮非常, 作夜我跟本不能入睡, 所以今早我就比其他人都早起, 自己走到國米主場跑了一轉.
國米主場, 同樣是AC米蘭的主場, 是大家耳中常常聽到的聖西路球場. 聖西路球場在1920年代建成的, 到現在都有70多年的歷史啦.
它可以容納85433名觀眾, 是歐洲第二大球場 (次於位於巴塞隆拿擁有98000個位的魯營球場). 當年為了1990世界盃, 國米同AC米蘭一同在聖西路原本的兩個觀眾環上加上第三個環,
使它擁有現在的容量. 兩間球會跟就國米的建議, 把球場用球星基奧撒比.米爾沙的名字來命名.
可惜因為球場的設計, 場內陽光不足, 導致草坪生長不良, 使聖西路被人叫做薯仔田.
可能我真的老啦……剛跑完2000米便無气啦, 只有坐下來休息. 突然見到我的秘書, 阿賢, 走過來說 ‘領隊……今日唔係去米蘭北區既青年場練波o羊??
我一聽, 心想: ‘大鑊!!!’ 立即走進更衣室換返球會的套裝, 跟著衝出球場的停車場……幸好車子還未走.
我衝到車上, 見到一眾教練都已經到了, 球員…..都到洒了, 我是最遲的一個.
‘身為領隊, 竟然最遲到??’ 曾是我隊友的教練, 亞歷辛迪路.艾度比利笑道
‘得啦得啦……7點正呀, 呢D叫准時呀, 明唔明??’ 我還擊道.
‘得啦, 知你威啦, 出發啦.’
用了半小時才到達目的地, 一眾球員都急不及代的開始操練了. 特見兩個陌生的面孔在遠處獨自和屬於國家隊的韋利練習. 已經有球員覺的奇怪, 所以全隊最細, 最好奇的艾美走過來問我: ‘領隊, 果兩個係……’
‘去叫全部人過黎啦.’ 我答非所問.
‘喂~~~~~全部人過黎呀!!!’ 艾美叫道……全隊最細既人局然可以叫到全部人過黎, 真不簡單.
‘我宜家要同大家介紹兩位將要同大家做朋友的人.’ 我對他們說道. 那兩個人也非常自動的走國過來.
‘呢兩位係……意大利國家隊的後備攻擊中場多明尼高.摩非奧, 同隊長亞歷辛度.尼斯達.’
眾人聽到後, 都係議論紛紛, 但可以保証的是, 我們今季既爭標机會大增. 不過, 隊中有人面露憂色. 尤根重突然走過黎我度, 大叫: ‘大家可以繼續練習啦!!’ 又同我講: ‘過黎一陣.’
‘有o羊事咁重要呀……’ 我說.
‘你望下呢張紙……A米約我地打友賽, 但果日同時係南美國家友賽, 而莫拉堤又無厘頭咁答應左……’佢show我一張紙.
‘咁即係A米想乘机打沉我地士气?? 我地大部分主力走左……’ 我估唔到A米有呢一著.
‘佢地既用意明顯到無得再明顯……莫拉堤咁都踢唔到……咁點算呀??’ 尤根都無洒辦法.
預告: 眼前這難關, 到底我該怎樣面對?? 重有, 隊中要走的人終於要走啦.
出場角色:
亞歷辛度.艾度比利 (Alessandro Altobelli): 1980年代意大利球星, 國米當時的首席射手, 為國米奪得1980年代初段的成功.
多明尼高.摩非奧 (Domenico Morfeo): 亞特蘭大出身的攻擊中場, 當時意國U-21的正選, 現時在費倫天拿踢, 但下季將轉到國米.
亞歷辛度.尼斯達 (Alessandro Nesta): 意大利隊長, 施職後衛. 現效力拉素, 但有离隊傳言.
上回提要: 國米正式開操, 新球員也正式到步. 但同時, 挑戰同時也來臨.
‘莫拉堤無理由咁都睇唔到……我估佢想測試我地兩個新領隊既實力.’ 我正在將事情複雜發.
‘有咁既可能……但都唔好搵我地既仇敵AC米蘭呀……佢地重要只得三個無關痛癢既球員要回國報到……’ 尤根都認同我的講法.
‘邊三個??’
‘沙真利奧, 列當度同上年既打比罪人洛基祖利亞.’ 估唔到尤根已經做洒research.
‘唔好睇少沙真利奧對米蘭既影響……無左佢, 米蘭就得返馬甸尼做佢地既左翼, 咁佢地條防線就會弱左好多, 我地既韋利就可以……’ 我扮聰明咁話.
‘為所欲為呀嘛.’ 尤根係都要搶住講. 不過佢停左一會後再說: ‘不過上季季尾同韋利係最強拍檔, 狀態大勇既朗拿度要返去國家隊報到, 我驚韋利唔能夠發揮正常.’
‘咁都無辦法……唔通唔放人, 得罪巴西呀?? 我負擔唔起咁大個包袱. 我都想朗拿度同艾迪安奴可以係國家隊大放異采o架 !’ 我都想不到其他的辦法.
‘唯有如此啦……’ 尤根都顯得非常失落.
‘唔好咁啦. 重有呀, 一陣練完叫卡隆同柏達連奴黎見我.’
‘你真係想咁做??’ 尤根有些遲疑.
‘我黎真架.’
‘大家, 過黎集合!!’ 剛會到足球場上, 我就向著全隊大叫.
‘今日, 係我地今季第一次隊內既練習賽. 一切照舊, 一隊藍隊一隊紅隊, 90分鐘比賽, 大家盡力啦!! 名單係……’
藍隊:
GK: 托度
Defence: 哥度巴-----柏達連奴-------馬達拉斯------基斯高
Midfield: 施多夫-----C.辛尼迪-------迪比亞治奧---艾美
Forward: 艾迪安奴----雲度拿
紅隊:
GK: 方坦拿
Defence: J.辛尼迪-----尼斯達-----史米------左卡圖斯
Midfield: 沙治奧干斯卡奧----列高巴------達馬治
後上forward: 摩菲奧
Forward: 朗拿度-----韋利
‘兩隊都係用4-4-2, 藍隊隊長係托度, 紅隊隊長係J.辛尼迪. 所有球員都要聽隊長既話, 宜家你地有5分鐘, 快D去准備!!’
藍隊隊長托度: ‘大家過黎聽住……好明顯, 對方既列高巴, 干斯卡奧, 卡隆, 朗拿度同韋利令佢地於攻力上凌駕我地,
朗拿度更加係全米蘭中最快既射手. 唯一辦法, 就係……哥度巴, 你同柏達連奴調位, 嘗試用你既速度去鉗制朗拿度. 重有, 方坦拿既反應好差, 施多夫你多D入中路遠射啦.
最後, 多D吊中比雲度拿……你係我地搶分既關鍵. 明白??’
藍隊: ‘明白!!!’
紅隊隊長J.辛尼迪: ‘講真……關於排陣我真係o羊都唔知. 咁啦……睇情形, 托度一定會調哥度巴黎mark朗拿度, 咁朗拿度你就多D走後,
引哥度巴出黎, 到時再由摩菲奧補你個位. 重有, 雲度拿高過我地全部後衛, 咁我地就多D裝越位陷阱黎等佢地兩翼出唔到波, 明唔明白??’
紅隊: ‘明白!!!’
‘准備好啦嘛?? 好, 咁就……BB!!!!!!’
練習賽終於開波, 我期待左哩一刻好耐啦. 藍隊先開波, 雲度拿二話不說, 一個箭步標上前面, 等住艾迪安奴既傳送. 不過艾迪安奴無咁做,
反而將個波交左比迪比亞治奧.
雲度拿大叫: ‘頂你呀!?’不過佢立即收返, 因為艾迪安奴知道迪比亞治奧係隊中既長傳高手, 而佢亦好識做, 一個高波傳比雲度拿……
‘BB!!!’
雲度拿好細聲咁講: ‘吹o羊春野呀??’
‘雲度拿越位!!’ 我係好公正嚴明既.
J.辛尼迪心想: ‘成功左!!’
尼斯達襯藍隊未准備好, 將個罰球大腳交前: ‘朗拿度, 你既~~~~’
呢次弊啦, 喜於助攻既哥度巴一時忘形, 推到太前, 令到朗拿度進入無人地帶, 只係剩返速度較慢既馬達拉斯好似死狗咁係後面追, 不過朗拿度又點會被佢追到呀. 佢一控定果波, 睇到柏達連奴係斜前面發緊夢, 就一個箭步衝入禁區, 面對孤獨無援既托度.
托度心知呢次實有死無生, 不過都用盡全力出迎. 經驗豐富既朗拿度立即黎個笠射, 點知被托度掂到減低左速度， 朗拿度重比托度帶低, 失去平衡, 重向前跌添. 同時間柏達連奴發完夢, 衝過黎准備解圍……
下回預告: 想知呢球同埋賽情會點發展?? 留意下集啦!!
上文提要: 國米隊內練習賽, 紅隊既朗拿度係藍隊禁區單刀, 不過射門被擋, 重被托度帶低左……
‘朗拿度 !!!’ 速度一級既摩菲奧從後以高速衝上黎.
‘我係唔會輸既~~~’ 朗拿度大叫! (足球小將既小志強??)
朗拿度順住向前仆個勢, 用手係托度個膊頭一襟, 成個身向上飛, 重做左一個前空翻. 當佢頭上腳下個陣, 佢用腳挑起個波, 越過左柏達連奴個頭……
‘BB!! 一比零!!! 朗拿度出色既個人技術為紅隊帶黎領先優勢!!’ 我好好人咁連旁述都做埋.
托度明顯好唔甘心, 發老皮……: ‘哥度巴!! 你推到咁前把托呀?? 重有呀, 柏達連奴你做o羊呀?? 發春夢呀?? @&#^*&@%#……’
‘托度, 你發o羊脾气呀?? 冷靜D, 如果唔係我唔放心比你做正選龍門呀.’ 我嘗試令托度冷靜落黎.
‘係……好既, 咁大家努力D mark實對方前鋒啦!!’ 托度又回復隊長本色.
果然, 藍隊好快就回復翻個隊形. 迪比亞治奧同C辛尼迪既長傳非常獨到, 球球到肉, 令高大既雲度拿同嬌小玲瓏既艾迪安奴有唔少既入球机會, 不過都被尼斯達同史米組成既防線瓦解. 後黎重比韋利靠一個反擊突破防線, 只可惜摩菲奧接應後傳不穩而被馬達拉斯解圍.
最後, 上半場結束, 紅隊一比零領先.
托度: ‘大家踢得唔錯, 由其係失左球之後. 不過咁樣既錯誤我估唔會亦唔想再出現, 所以大家踢好D啦.’
J辛尼迪: ‘大家雖然處於下風, 不過防線做得好好, 前鋒既反擊亦唔錯, 不過中場要好好努力, 搶返個優勢. 只要中場返返黎, 我地就可以贏架啦.’
呢個時候, 尤根過黎同我講: ‘基奧撒比, 睇下邊個黎左?’
我另轉頭一望, 見到一個著住西裝既斯文敗類, 宜不得一拳打埋去……
‘冷靜D!!’ 尤根細聲咁同我講, 我同時都恢復返理智: ‘係你……你黎做o羊!?’
呢個人就係艾度.沙連拿, 當年祖雲達斯既神射手.
‘估唔到你咁耐都無變……都重係咁火爆. 我黎呢度係為左睇下你je.’佢話.
‘想探我可以去聖西路, 就算係都唔會黎呢度.’ 我睇穿洒佢想點. ‘尤根, 你去睇住隊波先啦.’
‘好既.’
‘哈哈……隊長真係隊長, 都重係咁精明. 無錯, 我係黎刺探你隊波既情報呀, 又點呀??’ 沙連拿回答.
‘你……’我嘗試控制自己.
‘呵, 因住呀你, 君子動口不動手……’
‘呀!!!!!!!!!!’ 好彩, 呢下唔係我打佢, 而係由球場傳黎既.
艾美o係同J.辛尼迪爭持間吊左個波出去, 雲度拿壓住尼斯達一頂, 點知係交後, 後上既右翼施多夫壓住史米球不著地黎個三十碼重炮……
‘平手!! 一比一, 藍隊追平!!’ 尤根大叫.
方坦拿反應過慢既弱點暴露左出黎, 企位差, 起跳慢, 終於被人入左. 史米始終唔夠人撞, 連施多夫都 ‘得’ 到佢個身位.
‘哈哈…..我真係無眼睇你, 你隊波睇45分鐘就起洒底……聯賽見啦!!哈哈哈……’沙連拿就咁走左.
果陣我無洒心情, 連場波搞成點都唔知. 後黎原來係韋利用大髀夾住個波, ‘得’ 埋托度個身位之後行入龍門既……聽到之後我几唔開心都要笑出黎. 所以紅隊就咁以二比一贏左藍隊.
返到聖西路之後, 我係辦工室見到秘書阿賢, 佢話: ‘領隊, 頭先有個沙連拿先生黎搵你, 我叫左佢黎搵你……’
‘以後見到佢, 叫佢 @&^%&^!%%^$ !!!!!!’ 我大叫.
連阿賢都嚇到唔敢講野.
‘重有無其他野??’ 我好溫和咁問佢.
‘有…..會長黎見過我, 佢話對米蘭果場既結果會決定你將來話事既範圍.’
‘即係輸左就炒啦……我同尤根都預左架啦…..到底應該點呢……’
下回預告: 終於都殺到黎啦, 提早左既米蘭打比!!!
新出場角色:
艾度.沙連拿 (Aldo Serena) : 1980年代意大利神射手. 與G巴里斯同時在國米出身, 不過後來國米爭標失敗後, 轉會到祖雲達斯, 繼續成為神射手, 不過最後於1988年終被國米打敗. 故事中是祖記領隊, 現實中卻在完成職業球員身捱後已金盆洗手
上回提要: 巴里斯收到莫拉堤既警告-----如果打比友誼賽輸左, 佢會烏紗不保!!
經過咁長既一日後, 終於可以返屋企休息一下啦.
每一日完結後, 無論當日點開心都好, 返到屋企後總會有一種孤單既感覺……點解呢?? 唔通每個單身既人都係咁既?? 唔怪知得阿媽成日叫我搵返個啦.
搵返個……你估咁易o羊! 尤其係我都就黎40啦……
唔得, 我唔可以分心既, 重有兩日就米蘭打比啦, 輸左重要炒魷……都係專心D好.
夜瀾人靜, 係研究比賽既好時候. 我第一樣諗到既就係南美國家友賽會帶走雙方几多球員.
AC米蘭: 沙真奴 (譯名已更正), 洛基祖利亞, 列當度
國際米蘭: J.辛尼迪, 艾雲.哥度巴, 朗拿度, 艾迪安奴, 列高巴, 柏捷高, 皮洛達
無論係球員既數量定係重要性, 我地無左果班南美球員既影響會比A米大, 尤其係後防方面: 我地無左隊長同上季既必然正選, 佢地就只係無左上季既罪人洛基祖利亞. 重有, 佢地既列當度根本無關痛痒, 但係我地既列高巴, 朗拿度, 艾迪安奴……
睇完有邊几個球員唔係度, 就係時候諗下點搵人代替佢地啦.
可以同J.辛尼迪踢同一個位既就只有爭佢几皮既史米, 不過都要用架啦, 因為如果換陣既話球員根本適應唔黎. 哥度巴個度可以用新黎既尼斯達, 以佢既實力可以抵消
‘未適應’ 帶黎既效果. 列高巴可以用同佢唔同類型既施多夫代替, 效果應該唔會差好遠. 問題就係朗拿度同埋艾迪安奴呢兩位技術型既前鋒應該點搵人代替……
Anyway, 其實我地都有一D優勢, 因為安76……唔係, 係安察洛堤並唔係一個咁好既領隊, 佢多數會大意同輕敵, 尤其係我地宜家少左咁多人. 重有就係佢地7日後就要對付UEFA既第一選拔回合, 一定會有所留力.
諗下諗下, 話咁快就12點啦, 都應該訓啦……
訓訓下, 我被我部電視嘈醒左……點解會開左既呢?? 諗住熄左佢果陣, 突然見到電視上既係米蘭打比!! 重要係兩日後既友誼賽!! 唔同有鬼??
正當我百思不得其解時, 我見到一個國米球員係左路發冷, 左扭右扭, 成隊A米被佢玩到團團轉……
當我想睇真D果陣, 我見到……只係天花板?? 原來頭先只係南柯一夢……不過果個球員到底係邊個呢?? 諗下諗下, 諗到連鬧鐘都響……都係起身先啦.
八點半就返到聖西路返工啦. 一入辦公室門口, 就見到阿賢已經坐左係度……估唔到佢重早過我返到.
‘早晨呀領隊!’ 佢好有精神咁同我打招呼.
‘早晨呀……呀?咁好精神既?? 沉晚無去男友度過夜?’我似笑非笑咁問佢.
‘哎呀……你呀, 衰人黎架. 都話左佢唔係我男友lor, 佢份人咁壞……’ 佢面都紅埋.
‘對唔住lor……我都係等飲喜酒je……’我都重係似笑非笑咁同佢講野.
‘都話左唔係lor……就算有呀, 都唔請你個衰人呀. 唔理你啦, 我出去做野先.’ 佢鼓起塊面咁走左出去.
無拖拍? 我先唔信呀. 佢都黎三十, 雖然樣都唔錯, 但係如果再唔搵就無人要架啦. 講真呀, 我28歲重當fit果時佢入黎做助理， 果時佢十八歲……即係到宜家已經做左11年左右, 由助理做到宜家既領隊秘書. 重有就係, 自從我退休後佢就做左我既秘書, 一直做到宜家. 到底佢有o羊原動力令佢可以係聖西路呢個是非之地捱咁耐呢??
又諗下諗下, D球員同教練都返到黎. 今日既操練無o羊特別, 好快就過去, 不過……
‘哎呀!!!!!!!!!!’ 有兩把聲同時大叫.
‘o羊事??’ 我第一時間走過去, 成個人定左……
兩名左路要員, 艾美同達馬治都坐左係地上面, 兩人既左腳都流緊血……
六點鐘, 全部人都走左, 剩返我, 尤根同埋軍醫.
‘軍醫……醫院果面點講??’ 我同尤根都好緊張.
‘達馬治要一個禮拜, 艾美要一個月.’
‘好, 唔該.’
我同尤根係辦公室入面, 各自諗辦法解決左路既問題……
‘用基斯高啦!!’ 尤根提議.
‘唔得, 基斯高對付唔到加度素.’ 我諗都無諗就答.
‘唔用基斯高……唔通要用佢?? 我地都唔知佢既實力係點……’ 尤根話.
‘都要試下架啦……’
第二日……
旁述: ‘各位觀眾, 歡迎黎到聖西路球場呀!今日上演既係提早左既米蘭打比! 据說如果國米輸左, 元老巴里斯將會烏紗不保!!
所以睇黎兩隊都會出盡全力啦!! 點都好, 我地係佢地未出黎之前, 睇下D陣容先啦!!
…………………………………………………………………………………………………………………重复, 頭先既就係兩隊既陣容. 等陣, 國米得十個人既?? 哦,
原來漏左個. 佢係國米既左翼, 佢叫………’
下回預告: 到底個 ‘實力未清’ 既左翼係邊個?? 峰徊路轉既打比大戰開始啦!!
上文提要: 神秘既左翼出現, 佢係……
‘艾美利安奴.莫拉堤, 新加盟既成員’
更衣室內, 我向住一班心中充滿疑團既球員介紹呢位新球員.
‘莫拉堤?? 同會長有無關係架?’ 基斯高成個黑面神咁問我.
‘你唔好亂諗啦…..佢個名係Emiliano Moretti, 而會長個名係Massimo Moratti, 個串法都唔同啦. 我地今場都係友誼性質,
又唔係放棄你, 你讓下新仔啦.’ 我一早知佢諗o羊, 不過大話就講住先, 第日賣左你果時我就唔記得呢句話架啦.
‘好! 大家聽住今日既陣容!’
國際米蘭陣容:
龍門: 托度
後防: 史米, 尼斯達, 馬達拉斯, 佐加圖斯
防守中場: 迪比亞治奧
兩翼: 沙治奧.干斯卡奧, E.莫拉堤
正中場: 施多夫
前鋒: 雲度拿, 韋利
隊長: 迪比亞治奧
指揮官: 沙治奧.干斯卡奧
我心諗: 基斯高, 上季最尾果場多得你唔少……果場就比你當做國米告別賽啦.
馬達拉斯問: ‘點解搵中間既人做指揮官既?’
我: ‘呢點沙治奧都問過我, 不過我已經同佢解釋左. 總之大家信我啦! 做家大家既副領隊咁耐我都有些少戰術知識既……’
‘領隊呀……今日個陣無人有足夠既技術去扭班AC架……’今次到托度問我.
‘無辦法, 我地D主力走洒返去南美, 不過我地今日既兩翼側擊同高空轟炸絕對無需技術既幫助……除左兩翼之外.’
‘兩翼有技術? 哈! 笑死我啦!’ 基斯高高聲大笑.
干斯卡奧: ‘你……’
基斯高: ‘邊個話話你呀!!’
干斯卡奧: ‘都唔好咁話新仔呀!!’
基斯高: ‘都唔係呀!’
干斯卡奧: ‘咁你話邊個呀!’
基斯高: ‘關你差事!’
干斯卡奧: ‘話你自己呀苯…..波都唔識交, 野野交比對方前鋒.’
基斯高: ‘你~~~~~~~~~~~~~!!!!!’
基斯高一拳打左落干斯卡奧度!!!
摩非奧同雲度拿立即衝上去: ‘你夠膽打人!?’
‘全部同我停手!!!’ 我同尤根一同大叫.
全部人都停左落黎, 望住我地兩個.
‘基斯高, 多謝你既評語. 為左報答你, 今日比你早D返屋企訓覺, 唔洗坐冷板咁慘. 重要考慮一下下個禮拜洗唔洗你收我地份少到無得再少既糧. 你宜家可以返屋企啦,
大家同基斯高講拜拜啦!’ 我向住基斯高講.
‘你好野!!’ 基斯高對住我同干斯卡奧講, 跟住就走左出去.
‘好啦……大家以後冷靜D啦. 差唔多啦, 大家上球場啦!!’
‘係!!!’
出門口果陣, 我聽到干斯卡奧同莫拉堤講: ‘唔洗理佢, 盡情發揮你既技術啦!!’
跟住就聽到尤根同我講: ‘你諗住几時先話比佢地知果單野?’
我話: ‘贏左至算啦…..’
球場內, 60000名國米迷正係度同我地打气, 相反, 果20000名A米迷剩係坐係度等睇波.
尤根: ‘天時, 地利都幫我地.’
我: ‘但係重有人和呢……’
AC米蘭陣容:
龍門: 艾比亞迪
後防: 干查, 哥斯達古達, 馬甸尼
兩翼: 加度素, 阿柏天尼
中場: 當尼迪, 雷哥斯達, 岩布仙尼
前鋒: 舒夫真高, 恩沙基
隊長: 馬甸尼
我: ‘哈哈……阿柏天尼打左翼, 咁OK啦. 恩沙基……尼斯達識做啦.’
擲銀之後, AC米蘭右攻左, 先開波.
緊張既時刻終於到啦……
‘BB!’ 恩沙基交後比雷哥斯達, 雷哥斯達橫傳比當尼迪, 當尼迪再吊比阿柏天尼, 阿柏天尼……
‘小心舒夫真高呀!!’ 馬達拉斯大叫. 果然, 阿柏天尼一下大腳傳去舒夫真高正前面. 好彩迪比亞治奧一下頭錘頂走左個波. 個波落係施多夫腳下, 施多夫一路帶前, 過左岩布仙尼, 開始向左邊走. 呢個時候干查走過黎mark佢, 施多夫唯有交後. 點知個波向住雷哥斯達飛去……
雷哥斯達心諗: ‘咁益我??’
不過突然有把聲大叫: ‘無咁易~~~~’
果個係莫拉堤!! 佢截到個波, 跟住向左邊推進. 當佢見到干查逼緊過黎, 佢就交左比前面既施多夫. 施多夫雖然控唔穩, 不過都用全盡力吊個波入去……艾比亞迪沒收!!
施多夫: ‘打得唔錯呀, 莫拉堤.
莫拉堤: ‘多謝前輩!!’
17分鐘, 施多夫頂失左佐加圖斯既長傳, 被岩布仙尼玀到, 跟住黎個長傳比恩沙基……越位!!
我大叫: ‘做得好呀, 馬達拉斯, 尼斯達!!’
21分鐘, 施多夫係中場扭過兩個, 之後出個直線波比韋利. 韋利用左腳將個波推前,呃過左干查, 再起腳一抽……哥斯達古達用左腳掃中, 果波彈左上天. 當艾比亞迪出黎准備沒收個波果陣, 雲度拿比佢更快一步, 立即黎個高空轟炸. 艾比亞迪只不過 ‘hi’ 到個波皮, 馬甸尼鏟埋黎都無用……
我同尤根大叫: ‘有啦!!!’
‘出界!!’
唉……空歡喜一場. 不過都好, 有個角球. 干斯卡奧一腳開出, 迪比亞治奧批橫比尼斯達, 尼斯達黎個窩利……艾比亞迪拍出, 再由馬甸尼大腳解圍. 好彩跟住有史米控住個波,
如果唔係舒夫真高就搶到個波架啦.
39分鐘, 阿柏天尼過左干斯卡奧之後黎個遠射, 好彩托度接實.
44分鐘, 迪比亞治奧見到A米得返兩個人係後面, 一下長傳比衝緊上去既干斯卡奧……
我諗: ‘呢次有啦!!!’
點知馬甸尼衝到, 大腳解圍, 重被前場既雷哥斯達接到, 雷哥斯達亦都好識做……
旁述: ‘1-0!!! AC米蘭領先!! 雷哥斯達既半窩利射球, 托度飛盡都接唔到呀!!!’
我: ‘呢鋪慘啦…..’
下回預告: 大好形勢下竟然先失一球!! 巴里斯到底有何對策??
新出場角色﹕
艾美利安奴. 莫拉堤 (Emiliano Moretti): 科倫天拿新星﹐施職左閘, 左中場. 科倫天拿為了答謝國米免費借出艾迪安奴同羅比亞迪﹐所以免費賣出莫拉堤到國米。