兩條傻仔踏上足球員之路（一）
兩條傻仔踏上足球員之路（二）
兩條傻仔踏上足球員之路（三）
兩條傻仔踏上足球員之路（四）
兩條傻仔踏上足球員之路（一）
大家好，我叫阿彥，18歲，香港人;
我老友阿希，18歲，都係香港人~~
我地兩個由細識到大，感情好到不得了，唔識我地真係以為我地攪基~~
正因為由細識到大，所以我地無論性格，嗜好都好相似~~
我地都有一個目標，就係去英格蘭踢超聯，所以我地日日都練波..
有一日我地係球場練波，忽然有一個西人走埋黎...
西人:「靚仔，踢波啊???」
我好串咁答:「唔係呀，我地食緊飯呀!!見到重問，多X餘!!」
西人:「靚仔，唔駛咁串，我剩係想問下你鬥唔鬥波??」
我走埋去問阿希:「點呀，鬥唔鬥好???」
阿希:「鬥，做咩唔鬥??」
既然阿希話鬥,我就答返個西人:「鬥，不過得個3條友，點鬥??鬥條毛咩~~」
忽然西人雙手一拍，係球場入口有十幾條友殺氣騰騰咁跑過黎，我同阿希當堂嚇到屎都瀨埋出黎，真失禮~~
個十幾條友跑去西人身邊,好似社團份子咁，我就好驚咁問西人:「你...你又話鬥波，做咩拖馬??你邊...邊位呀??」
西人好有霸氣咁答:「我叫勞比杜，勞，係勞比杜個勞;比，係勞比杜個比;杜，係勞比杜個杜!!come from ENGLAND~~」
阿希聽到就話：「你就係傳說中唔屬於任何一間球會，發掘出好多超級球星既既神奇球探勞比杜！！！」
我聽到阿希咁講，即刻變成個擦鞋仔，笑哂口咁問勞比杜：「勞比杜先生，咁遠由英國黎到香港，辛苦唔辛苦呀？？駛唔駛我幫你鏈下骨出出火呀？我手勢唔錯，譽滿香江嫁∼∼」
勞比杜對我冷笑一下，跟住話：「你地重鬥唔鬥波架??」
我馬上話：「鬥！！！係唔係鬥嬴左可以去英格蘭踢超聯？？」
勞比杜聽到就話：「係，只要你兩個嬴左呢場就帶你地去英格蘭，由我引薦你地俾各大英超球隊！！」
阿希即刻話：「想點鬥？？」
勞比杜就話：「呢度個場咁細，就5個鬥5個！！你地可以係呢班人度揀3個做你地隊友，揀5個做你地對手，揀啦！！」
我同阿希好快就揀完，我地既陣容．．
GK 阿希
DF 阿榮 朱輝
MF 狗仔 肥佬
FC 阿彥
對手陣容．．．
GK 刀疤強
DF 老苙 賤精
MF 繼歡 富豪
FC 無名
勞比杜見雙方準備就緒，咪諗住吹雞開波，就係呢個時候，阿希大叫一聲：「弊！！！」
我聽到就話：「有幾弊？？？」
阿希就答：「阿彥，先頭我地俾班粉腸嚇到瀨屎，係唔係應該換左條波褲先開波？？」
勞比杜聽到就火都黎埋，事但叫兩條友除條褲俾我地，阿希重好賤咁講：「快ｄ手呢！！除條褲都咁叉耐！！見你地冇褲著咁慘，俾你地著我地果條啦！！」
一切準備就緒，開波∼∼∼
兩條傻仔踏上足球員之路（二）
勞比杜見一切準備就緒，就諗住吹雞開波，阿希呢條粉腸又發出一下怪聲:「噫~~~~」
勞比杜一聽到就好炆咁話:「又點呀???」
阿希就話:「又話5鬥5，做乜呢家6鬥6??」
我細心一數，就話:「係喎!!勞比杜咁點先??」
勞比杜好大聲咁話:「事叉但啦!!多一個件咪多一個件~~開波啦!!」
跟住勞比杜哨子一吹，開波!!!
由我地開波先，一開波我就傳俾狗仔，狗仔控定個波,就自己推進，用高速壓過繼歡推到落低線，之後傳中入禁區，正當我諗住跳起迎頂，突然係我面前有個黑影，用頭搥頂走個波，當我落地一望，原來係?熇?.
賤精頭搥解圍，個波落到富豪腳下，肥佬走埋去標波，就係呢個時間，富豪剔起個波，用虎尾腳踢個波苙過肥佬，之後再用大脾控定，繼續推進，阿榮睇到咁既情況，即刻諗住走過去mark富豪，富豪眼見禁
區已經有兩個隊友，就吊個高波入去，繼歡諗住用頭搥二傳，但係被肥佬早一步解圍，不過個波解圍不遠，俾無名截到，無名見週圍無人，就黎一個遠射，個波射向龍門左上角，但有足夠時間
俾阿希移位~~
正當阿希諗住跳起用雙手接實，個波故突然好快咁曲墜，墜向左下角，阿希心諗:「弊！！！」突然間，有一個人用腳踢走個波，係朱輝!!
阿希落到地即刻同朱輝講:「唔該哂，好彩有你~~」朱輝好惡咁話:「小心d啦，任何一場比賽我都唔想輸呀!!!」阿希聽到朱輝咁講，即刻話:「放心啦!!!呢場比賽一定唔會輸!!!因為有我把關~~」朱輝聽到呢番說話，只係冷笑一下，跟住就投入番比賽...
朱輝所解圍既波飛出界，界外球~老苙即刻將個波掟俾繼歡，繼歡將個波傳橫俾富豪，狗仔好快咁截到呢個橫傳，跟住斬一個長傳俾我做突擊，我黐個波落黎，用我最快速度推進~~~
推下推下，進下進下，係我面前只得龍門同一個後衛，我唔理三七廿一諗住用速度壓過呢過後衛，但係並唔成功，突然我聽到呢過後衛話:「我賤精呢個名並唔係浪得虛名...」跟住我就跌左係度，勞比杜馬
上吹雞，然後話:「罰球!!!」賤精就走埋黎同我講:「想過我，下世啦...」我聽到佢咁講，即刻燃燒起我既鬥志，同佢講:「唔駛下世，一陣間就要你後悔聊起我把火...」
個罰球離龍門唔係好遠，所以我決定直射，而對方排出既四人人牆亦都阻止唔到我呢個左腳割草式勁射，個波飛向龍門左下角，刀疤強飛身用手刀劈走呢個勁射，一劈之下個波飛到去中場，跟住刀疤強就好
大聲咁話:「我刀疤強劈友無數，區區一個勁射點會難到我呀!!!!」
個波俾阿希係中場控定，本來阿希諗住睇定d先，突然間係阿希右邊殺出一個繼歡，阿希驚起上黎就決定大腳踢向前，點知.....入波!!原來刀疤強重未企返起身，皆因頭先飛身飛得太盡，個頭撞到碌柱，痛
得制未起番身，咁橋勞比杜吹雞，話:「上半場完!!」
我地就咁領先上半場，1:0 !!!!
兩條傻仔踏上足球員之路（三）
係休息期間，我走埋阿希到，同佢講：「你個死仔包，扶碌到你咁都算出類拔箤..」
阿希聽到我咁講，即刻話：「咩扶碌呀，有技巧嫁，不過唔教你..」
我就話：「係啦係啦，你最巴Q閉，得未???」
同阿希吹完水後，我就叫哂d隊友埋黎，商量一下下半場點打~~
阿希就話：「進攻啦!!進攻就係最佳防守~」
狗仔就話：「攻你屎忽!!咁低能既野你都講得出，緊係打穩守突擊啦!!話哂我地嬴緊一球~~」
阿希即刻話：「咩你知我地嬴緊一球咩，咁你記唔記得邊個入嫁，係我呀!!用d咁既語氣同入波功臣講野，應該唔應該呀???」
肥佬就插嘴話：「你兩個唔好嘈啦，我地而家係商討下半場點打，唔好拗埋d無聊野，好唔好??」
兩條友聽到肥佬咁講，當堂無哂癮，變哂死狗~~
朱輝係呢個時候就話：「點打都唔緊要，最緊要睇實無名，咁樣對方攻力就會大減~~」
我聽到朱輝咁講：「何解呀??無名好勁既咩??」
阿榮就話：「佢唔係好勁，係好很勁!!其實我地係勞比杜其中一間足球訓練學校既學生，而無名，係得到我地同埋勞比杜一致認為佢會係末來世界球壇新一代球星!!」
聽到阿榮咁講，我心諗：「條粉腸勞比杜，又話無名係咁多個之中最屎波，呢鑊真係俾勞比杜老點左~~」
狗仔係呢個時候就話：「放心，佢地有無名，我地都有朱輝!!佢既防守能力都係我地咁多個之中最高嫁!!」
阿榮就話：「係呀，有朱輝係我地呢邊，防守方面你真係唔駛太擔心，不過除左無名，都要小心富豪同埋賤精，富豪既球技，賤精既防守都係幾利害嫁!!」
聽完阿榮所講既野，我就決定左一個戰術，防守就由朱輝緊盯無名，由狗仔迫住富豪，而其他人就打區域聯防，進攻方面就由我一個負責~~
講完戰術之後，我就話：「大家加油呀!!!」其餘五人聽到我呢句野，就一齊話:「好!!!!加油!!!」
跟住大家就步入球場，準備踢下半場~~~~
兩條傻仔踏上足球員之路（四）
雙方都已經蓄勢待發，準備下半場既激戰，突然我聽到後面有一d笑聲，係我d隊友，而我見到佢地既視線係望向對方門將，刀疤強~~
當我一見到刀疤強，我都笑埋一份，皆因佢完上半場前個頭撞到碌柱，爆哂缸，攪到下半場要包住個頭出戰...
笑，就係笑呢樣，因為實在包得太核突，成個印度人咁...
阿希呢條友就笑住咁話:「刀疤強，做咩光天化日由一個健康既華人變做一個印度阿叉??你個頭又想點呀??包到咁有氣勢，想嚇死我麼???」
阿希呢條口臭友，真係遲早俾人打爆佢個嘴~~突然聽到一下雞聲，開0左波啦!!
當我想投入番比賽，我發覺我已經俾人盤球過0左，係無名!!唔只過左我一個，重已經過埋狗仔同埋肥佬~~
阿榮見唔對路，想黎一下粗野既飛剷，但係都俾無名輕易跳高避過，跟住繼續推進~~而朱輝亦都已經做好心理準備做最後一度防線...
但係左路突然殺出一個富豪而右路又有繼歡，朱輝三面受敵，急起上黎就走去標波，但係已經太遲，無名已經準備傳球，朱輝見到，即刻估佢傳去邊面，係左面!!
朱輝立刻走去mark富豪，咁就弊啦，因為無名只係插花，朱輝發覺到已經返唔切身，被無名過埋...只係剩返阿希，而無名已經推到入禁區，想過埋門將~~
阿希見無名準備起腳，就立即撲出去封位，而無名突然轉身背住阿希，阿希當堂唔知點做...而朱輝就大叫:「小心啊!!佢起腳啦!!」跟住就見到無名轉身起腳，一個黑影就直飛向龍門，阿希直情都唔知咩事
，大嗌:「x你x母!!!」
之後就使出佢既絕技~~蠍子式救球!!!不過由於人地射地波，所以......入波~~~
比數~~~ 1 : 1