☆★ 第一講 (序言，選擇球隊，排陣型等)
作者：Dominic Fan

次序:
1. 癈語錄:
2. 球隊的決擇.
3. 職員, 訓練篇
4. 球員, 基本陣型篇

*****************************************
癈語錄:
CM3 係一個彷真度好高的 Football Manager Game, 玩家可以一展身手, 教驗一下自己的足球知慧. 但筆者發覺有好多朋友, 太在意成績, 聽聞邊幾個球員好, 就跟風去買. 聽聞邊個陣式好, 就去 D/L. 老實說, 他們給筆者的第一個感覺, 就是在抄工課, 總覺得佢地會玩得好辛苦.
其實買隻 Game 番來是至在消閒娛樂的, 係用來另自己開心的. 玩到咁辛苦, 抄來抄去咁乏味, 那豈不是貼錢買難受? 自尋煩腦?

筆者自己都做過這種愚事, 以前筆者就試過玩另一隻 Football Manager Game, 名字係 PM3. 用一隊 Div 3 的細球隊, 然後想盡辨法, 再配合 save load 大法, 結果, 一共玩了十年, 由 Div 3 開始, 每戰皆勝, 十年內無失個一球. 即係話我用 Div 3 球隊不失一球下嬴了 FA cup, 用新升班的 Div 2 不失一球下嬴了歐洲三大杯賽. 由於我當時仲堅持唔改 Game, 唔用 cheat key, 有咁的成績夠利害吧? 但係玩完之後, 回頭一看, 那段日子, 只是不停咁 repeat 又 repeat 做同一樣的動作, 既辛苦, 又無聊, 其實只是在浪費時間. 比咁多錢去浪費我的青春, 真係豈又此理. 到發覺那時, 真係覺得自己好傻.

那時仲可以話那個 game 用太多 random 去計算賽果了, 所以玩落無物趣味, 唯有追求超卓的成績來滿足自己. 但係 CM3 係一個咁高水平的 game, 若然仲係咁玩法, 就真的太失禮了. 大家不防也試試先拋開紀錄, 再去看看 CM3 是一個什麼的 game 吧. 筆者以為她絕對不會另你失望的.

先指聲明,
1. 以下的, 全是筆者的意見, 筆者與 CM3 的游戲創作人並不認識, 也不熟識拆 game 的技巧, 所以並不知道 CM3 內的設定, 這些都只是一個玩家的竟見己而.
2. 以下的, 全是筆者的心得, 若想找游戲的基本操作方法, 請自行參閱說明書.

**************************
球隊的決擇.

首先從你選球隊開始, 好多人都鐘意用 Man Ute, Arsenal, Liverpool, Juventus, Barcelona, Real Madrid, Internazionale 等, 這些大球隊, 都算是比較容易上手的, 因為你地知道佢地現實中那些人勁, 負責那些位置, 倒可以省下不少時間去了解隊波, 另外聽聞 Crewe, Cambridge, Fulham, Telford 都是幾容易勝出的球隊.
不要忘記, 越好越大的球隊, 董事局對你的要求就越高, 例如要你拿到聯賽冠軍, 杯賽冠軍, 三大杯賽的出賽權, 升班等. 做唔到? 送你一客豉椒炒魷, 就是這麼簡單的一回事. 唔想咁熱氣? 就清清地, 選番隊普普通通的球隊開始啦.
在你選定球會後, 遊戲便正式開始了, 第一樣要做的, 就是記下董事局的要求, 這是你未來一年的目標, 無論如何, 都盡力去做, 唔係你的聲望就唔會得到提高, 聲望低的話, 就什麼都做不到了.

****************************************
職員, 訓練篇

由於其他人比較少談論 Staff, 需然筆者所知亦不多, 但筆者也打算在這裡講多少少. 希望其他高手們能比多些議見.

比較大的球會, 通常會有一個 Chairman, Managing Director, 這兩人都是你老細, 唔鐘意都無辨法. 之後的 Manager, 這個就是你自己了. 而你共有四種手下.
Assistant manager:
這個就是你的左右手. 佢係教練, 也能幫你帶領你的 Reserves Team. 當你放假時, 你的 Seniors Team 都會交給他打理的. 你的聲望唔, 就唯有靠佢的聲望了. 只限一人.
Coach:
你的教練, 教練的作用, 仲洗問? 可以請到四名教練.
Scout:
你的星探, 你指派了目標國家後, 佢就會幫你找好的球員了. 可以請到六個探子.
Physio:
你的物理治療師, 也可以叫佢地做軍醫. 最多二名.


現在談談一些 Staff 的補充性能力值吧.

Coaching Style
通常分 General, Technique-based, Fitness-based. 若唔計其他能力值, 只單單看這一項, 那 Technique-based 的教練, 就比較適合用來訓練 Skill, Shooting 這兩項, Fitness-based 的當然用來訓練球員的 Fitness 呢.

Preferred Formation
就是佢地善長的陣式呀, 一般都是 4-4-2 的, 但當然也有 3-5-2, 5-3-2 和無善長陣式的, 也有4-5-1, 4-2-4, 4-3-3 等, 但這幾種就真是比較少有了.

Preferred Style
就是佢地鐘意場波點打法呀.
Attractive attacking style, 悅目的進攻足球, 可能是指鐘意用小組進攻, 比較近似南美波吧.
Direct attacking style, 直接的進攻足球, 就是典型的英國波吧.
Patient Style, 即係穩守突擊呀.
Attacking style, Defensive style, No Preferred style 這幾個你明啦.

Others

常見的有以下三種
Close Down the Opposition, 緊迫你的對手吧, 若無人有這項, 就盡量被免打 Pressing.
Deploy a man-marking system, 打人盯人戰術, 若無人有這項, 那就打番 Zonel 比較好一點.
Play the offside trap, 鐘意用越位陷阱, 若無人有這項, 或者佢並無教 Tactics 的話, 那你最好被免用 Offside trap.

現在講講筆者對唔同 Staff 的要求如何.
AM 重要的是 Man Management, Judging Playing Ability, Tactical Knowledge. 其次的是 Determination, Motivating, Working With Youngsters 和同你相似的 Playing Formation & Style. 由於 AM 只得一人, 所以應該找個比較平衡的人來做. 還有, 要考慮埋佢的 Reputation, 自己唔出名, 但有個出名的跟班也是好的.
Coach 最重要的, 應是 Motivating, 其次是 Tactical knowledge, 至於 Level of Displine, Working with Youngster 都盡量被免太底. 你仲要有至少一個係 Coaching Goalkeepers 值高的訓練員.
Scout 最重要的, 當然係 Determination 和兩項 Judging 值呢, 另外你重要考慮佢識唔識當地語言, 例如你想派個人去德國找人, 那你最好派個有德國背景的人去啦. 若無合適的有背景人士, 那就要找個有番咁上下 Adaptability 的人去了. (Determination 係好重要的, 若此值底, 好多時到最後, 佢都會話比你知一個適合的人都無的, 連一個一粒星的都無. 所以就算佢兩項 Judging 值幾高都係無用.)
Physio 若你打的是底班的球隊, 就一定不要炒了他, 因為你一定請唔到人的, 佢最重要的, 當然係 Physiotherapy.

現在再講講 Training 的事項吧.
先談談教練的工作分配吧.
Training 內, 分別有 Goalkeeping, Skill, Tactics, Shooting 和 Fitness 五項,
Goalkeeping 當然由 Coaching Goalkeepers 值最高的人執教啦.
Skill 筆者也沒什麼議見, 就選用 Technique-based 的人來教, 若佢唔合你心水的話, 那就選 Discipline 或 Tactical 值高的人吧.
Tactics 當然由 Tactical Knowledge 值高的人來教啦.
Shooting 筆者也沒什麼議見, 也用番 Technique-based 的人來教, 就選 Motivating 最高的那人吧, 只要佢的 Tactical Knowledge 唔係太差的話.
Fitness 若有 Fitness-base 的人, 就一定要用佢, 若無的話, 就選個最看唔上眼的啦.


大部份玩家都認為每人負責最多兩樣是最平衡的. 所以, 1 個 AM + 4 個 Coach, 5 個人, 每人負表兩項就剛剛好樣樣都有兩人教了. 但是筆者以為 Goalkeeping 和 Shooting 這兩樣係唔能夠亂來的, 若沒有合適的人選, 那只用一人教就好了. 若有教練只分配到一樣工作, 那就叫佢教埋 Fitness, 若佢本來就是教 Fitness 的話, 就教 Skill 或 Tactics 是但一樣吧.
看來好簡單的吧, 因為人數有限, 所以一切都不能太苛求, 筆者最鐘意那些 Motivating 值高的教練.

接下來, 就到設定 Training Program 了,
籠門的訓練 以 Goalkeeping 為主就實沒有錯的了, Shooting 根本就不用練. 至於 Skill, Tactics, Fitness 就著量啦.
後衛的訓練, 以 Tactics 為主, Shooting 不練也可, 而 Skill, Fitness 就著量好了.
中場的訓練, 以 Skill 為主, 次之, 若是 Def-Mid 就要 Train 埋佢的 Tactics, 若是 Att-Mid 那就 Train 埋佢的 Shooting. 之後就選 Fitness.
前鋒的訓練, 以 Shooting 為主, Skill 為次要, 跟住是 Fitness. Tactics 可以係是是但但就得了.

你會發覺筆者說了等於沒說. 無錯, 由於每隊教練的能力不同, 加上受訓者的體力不同, 所以是沒有定論的, 簡單的, 你可以稍稍改改那幾個 Default Training Program, 就算唔改, 也還可以的. 總之, 到時到候, 得閒就去 Check 下 d 訓練成果, 若發現球員的體力普篇地嚴重不足, 就要減輕部份訓練了. 千萬不能全部狂 Train 呀, 一定會出反效果的.

另外, 你會發現好多球員的 Positioning 值係會下降的, 改善的方法, 就是訓練佢的 Goalkeeping, 因為只有咁樣, 先可以加強佢的 Positioning, 就在你的防守球員上, 加上 Light Goalkeeping 的訓練吧. 但若你那些進攻球員的 Positioning 底一點也沒有多大的影響,

有玩家鐘意時不時就 Rest 下 d 球員, 即是唔 Train 佢地住, 或者只 Train 佢地的 Fitness 一陣子, 但筆者個人並不喜歡這樣, 因為筆者以為, 保侍住球員的況態係好重要的, 你咁停佢地一排, 佢地的臨場表現可能會失準的. 除非你跟本就無打算用佢地出場.

******************************************
球員, 基本陣型篇

現在就正式看看你有那些球員吧, 筆者習慣先對自己的球員分級的.
A 級的是我的主力球星, 亦即是我隊中的 SuperStar, 唔會多, 就選三個吧.
B 級的是我鐘意的一線球員, 我仲要求佢地兼備體能和技術.
C 級的是我的一般球員.
D 級, 就是我的垃圾, 打死我都唔用的那堆癈物.

唔知點分級數? 筆者就公開自己選人標準, 大家比 d 意見呀.

籠門
Anticipation, Handling, Positioning 係必要的, 另外 Agility, Reflexes 都唔能夠太差, 若有 Balance, Bravery, Passing, Set Pieces, Strength 都會有幫助.

後衛
Anticipation, Tackling, Positioning 係必要的, 另外 Strength, Teamwork, Technique, Work Rate 唔能夠太底, 若係 DC, 那佢一定要有 Heading 或者 Jumping 兩者之一, 其中一名 DC 仲一定要同時兼備有好的 Anticipation, Acceleration, Determination, Work Rate, 佢是用來接收籠門拍番出來的波, 佢好重要的. 若係 DL / DR, 那最好要有好的 Marking, Pace. 若有埋 Passing 就更好.

中場 (防守性)
其實和後衛的要求差唔多, Anticipation, Positioning, Tackling, Work Rate 係必要的, 另外 Stamina, Strength, Teamwork, Technique 唔能夠太底, 若有 Acceleration, Marking, Pace, Passing, Heading or Jumping 都會有幫助.

中場 (進攻型)
Off the Ball, Passing 係必要的, 另外 Anticipation, Creativity, Strength, Teamwork, Technique, Work Rate 都唔能夠太底, 若有 Acceleration, Balance, Determination, Heading, Shooting 都會有幫助.
若佢係翼鋒的話, 那就一定要有 Pace, Dribbling, Crossing, 就算佢的 Passing 差少少都唔怕.

前鋒
Balance, Shooting, Off the Ball 係必要的, 另外 Acceleration, Anticipation, Pace, Strength, Teamwork, Technique 等都不能太低, 有 Determination, Creativity, Heading, Passing 都會有幫助.

一般來講, 筆者對自己球員的 Work Rate 好注重. 香港的講波佬成日都話, "明知自己唔夠打, 就要走多兩步, 加多兩錢內緊啦. " 這個就是 Work Rate 了. 就算你個球員幾超班, 但若佢次次上場都走下停下, 是是但但咁的, 那就勁一勁都無用啦. 若佢只係個普通出色的球員, 但係佢場場交足功課, 那樣就己經好好的了. 尤其是我的防守球員, 佢地一定要非常勤力, 唔係, 我的防線就會變得四處也是空位, 想唔失波都好難了.

另一個筆者好看重的係 Anticipation. 後衛來講, 能夠看得穿個波將會去那兒, 能及早作出應變, 幾好呀. 中場而言, 有佢就能經常拾到波, 這會為你帶來更多的進攻幾會, 也可以被開對方攻完一次又一次的無謂進攻. 對前鋒的作用, 就是用來"執死雞" 了. 若有一個 Anti, Acc, Balance, Shoot 好的前鋒, 就可以早過對方後衛一步, 送番個波入網, 只要你 keep 得住佢的體力, 佢就有好大幾會幫你射入幾球 Winning Goal. 雖然佢地大體上的入球數字唔會太高, Rating 也不會太好, 但係佢地往往是你勝負的關鍵人物. 平時入到兩三球波, 錦上添花當然好, 但重要時刻入到波才是最重要的.

分完級後, 係時候選陣式了, 這是最難的一步.
好多人都想找一個無敵的陣式. 但是, 在 CM3 內, 似乎沒有這樣的一回事, 有人話用 3-1-3-1-2 機乎係無敵的, 又人話用佢地打作客好唔掂, 筆者自己試用幾場後, 發覺竟然是筆者輸得最慘烈的陣式, 入波多, 失波仲多. 所以在這裡沒有最佳陣式, 只有最適合你的陣式, 就筆者而言, 這個傳聞中的無敵陣式, 就連筆者也被佢切底咁打敗了. (筆者用佢打了五場, 三場主場, 二場作客, 五戰全敗.)

其實由於這是一個 Manager Game, 所以要求你自己有一定的足球知識. 若有人話比你知 1-2-2-1-2-2 好, 但你對這陣式一無所知, 那你點能夠帶領你隊波去打那個陣式呢? 所以盡量被免用一些你完全不了解的陣型, 想用的話, 就要交多幾場學費了.

好了, 就讓筆者嘗試引導新手們去選一個合適的陣型吧.
首先就要看那幾名 A 仔的位置分佈.
若你的 A 仔全是中場的話, 那你的中場就唔再需其他人幫手, 所以我會提議你用 5-3-2, 4-3-3, 或 4-4-2 Diamond 都得.
若你的 A 仔全是防守性球員, 那你就唔洗咁多個後衛了, 用 3-5-2 或者 3-4-3 都可以. (3-1-3-1-2 筆者習慣把佢當做 3-5-2 的變陣.)
總之, 你的勁人集中在那個位置, 那位置就可以空番個位出來, 若那個位置連 B 級球員都沒有的話, 就要多打一兩個球員了.

千萬不要一下子就跳到結果去, 你只要找出你班球員能打那幾個陣式就夠了. 因為這時你要查番你的 Ass Man. 和 Coach 看看佢地鐘意用那些陣式, 再和你隊波能打的陣式比對下, 若有相同的, 那 (幾) 個就是你的理想基本陣式了. 若沒有相同的話, 那筆者建議你選擇 AM 或最多 Coach 的理想陣型來作賽好了. 如玩家是有信心的話, 當然可以自創幾個陣式來用啦.

到了這裡, 你大約都可以知道你自己隊波強在那兒, 弱在那兒了, 這時, 就可以開始你的季初買賣了. 你當然可以買多兩個 A 級的球星番來, 但你也需要多幾個 B 級的球員來填滿十一個正選位置. 當然這都並不容易, 尤其是當你用一些無錢的球隊.

好了, 寫了成萬字, 終於做完第一朝的工夫了, 不要怕, 這些工作做一次就夠了, 之後的, 雖然重要, 但都不是這樣煩複的工夫.

在開始買賣的時候, 你應該會開始打你的熱身賽了. 在這時, 你可以只用基本的陣式, 看看你的球員正式的表現如何, 也可以半場後調入你你的 C 仔看看佢地實際打得如何. 當你成功咁買到你的正選, 也要派佢地出場實習看看. 一般來講, 球隊都會打番三四場熱身賽的, 也不能打得太多太密, 否則你會無時間準備聯賽的, 因為還有大把工作等著你呢. (注意, 不要只看球員的縱合表現, 要看佢地多唔多 Display Message, 仲要看佢地係咪能唔能夠成功咁完成那件事. 還有要看看那些人特別容易傳失波! 這些對日後都好有用的.)

到了這時, 筆者建議大家再一次對你的球員評分, 一樣分番 4 級, 再重新考慮一下可以用什麼基本陣式,

現在, 你己經決定到你的基本陣式了, 也安排了那十一個正選的位置了. 到了這裡, 你可以就咁算數, 也可以再細微咁對各名球員作出個別的指示. 但這比較深入, 筆者打算在稍後才寫.


在聯賽未開始前, 你就要驗討一下你的後備陣容了.
除了你要有一些 B 仔來替換疲勞度高的正選球員外, 你還要強化你的後備席, 單單有十一個球星是不行的. 在比賽落後時, 你通常唔捨得調走你的 A 仔, 那你能夠調走的, 就是你的 C 仔和 B 仔了. 所以你的後備陣容, 就必定要有唔同工能的 C/B 位的後備供你使換.
例如你沒有好的 MC, 那除了你的正選 B 仔外, 仲要有一個助攻中場, 和一個防守中場在後備席. 咁當你處於下風時, 就能作出有效的調動了, 係加強攻勢, 定係穩打穩責都得. 座得後備的, 筆者除了要求佢地有基本能力外, 還要求佢地有以下幾樣的能力, Determination, Influence, Teamwork & Work Rate.

若沒有足夠的合適球員座後備席, 就趕快買番一兩個後備了.

****************************