☆★ 第三講 (知已知彼，百戰不殆)
作者：Kaiser Cantona

原則一：知已知彼，百戰不殆

即使你用任何無敵的戰術，都要以球員為準。戰術的建立必須要配合球員(除非你買球員去配合自己啦！)。以柏金為例，佢係一個好勁o既前鋒，不過由於佢速度慢，用佢o黎打長傳急攻的箭頭就係浪費。因此，你必須根據己方球員的特質去改戰術，如1.唔打急攻而打小組，2.響withball度將柏金墮後較砲，3.將柏金打中場(佢可以o架！)。

另外，分析自己對波o既優點同缺點，球員速度快o既優點就要將佢o既withball/withoutball距離拉長，防守球員弱點速度慢就唔好set佢助攻(withball)，如果防守球員唔夠班，唔好用咁多中場/前鋒，放多個人幫佢。

同時，我o地要係每場球賽之前，詳細分析對手能力。大家可以係球賽之前，先留意對手球員的能力特性，針對其特性佈置相對位置(力量弱就對力量強加hardtackle，頭球差就對頭球好的等)，對手球員form，士氣(如果係進攻球員就要考慮marking，係防守球員o既話，你就passto果邊，集中攻擊)，助攻(assist)同入球數字(果d代表個個球員係唔係重心球員，使唔使mark)，球隊陣形(佢打4-1-2-1-2，你就將攻勢放係翼，擺大個球就打突擊)。

另外買球員亦係一個重要o既環節-唔係好球員就要買番o黎，係要睇o下你隊波，同你d隊手o既打法，以家朗拿度就係一個好o既反面例子。你先要知到你要乜o野類型球員，先去諗買邊個球員。好似就算現實中o既曼聯買o左羅比堅尼，戰術上都冇機會俾佢發揮佢o既速度同腳法(除非佢轉打翼)。你首先睇o下隊波差d乜，如兩翼成日出波(我指係評述話crossing果種)，但係前鋒頭槌唔好頂唔入，咁韋利/費格遜就o岩你，但係你走去買奧雲，頭槌又唔夠人頂，貴貴又有鬼用乜？結果你隊波將會好似前幾年o既AC米蘭，成為球星墓地。謹記！運籌帷幄之中，決勝千里之外。

進攻戰略原則：活用比較優勢

呢個原則其實最重要係-千萬唔好硬碰硬！不過呢個原則，係[知己知彼]o既實踐。當你檢查完對手之後，知到對手o既虛實時會發現，其實好多時對手後衛並不是萬能，佢點都有野弱過你。你需要o既，正係針對你位置上所對住果個防守球員，用戰術配合前鋒o既比較優勢去對付佢！強後衛如亞當斯，tackle，heading，jumping，position都好好，高波你死硬，小組又冇甜頭，但係佢速度極慢-你就搵一個快過佢o既前鋒(就算唔係真係好快，都至少要快過佢)，打兩個MC，用多d直線去做快速o既急攻(評述叫use hi space)，相反，對手速度快，攔截好，你就唔好用直線，passingsetdirect，然後放過高佬上前啦！總言之，你唔好玩最強對最強咁硬碰，而應該針對佢o既弱項，放一個擁有***比較優勢***o既人落去(不過建立一條多樣化o既鋒線比起其他o野都重要)。

當然啦，係cm3o既世界上，硬係有一d乞兒球員真係全能(好似史譚)，咁或者你應該考慮派人暗殺佢..... (呵呵呵)